Роҳбарияти ҳукумати музофоти Шэнсии Ҷумҳурии мардумии Чин ба Данғара сафар намуда, ба имконият ва зарфиятҳои сармоягузорӣ ва истеҳсолии ин минтақа шинос шуданд. Дар ин бора мақомоти иҷрояи ҳокимияти давлатии ноҳияи Данғара хабар додаанд.

Тибқи иттилоъ, Ҷао Ган, губернатори Ҳукумати музофоти Шэнсии Ҷумҳурии мардумии Чин дар ҷараёни сафар бо фазои сармоягузорӣ ва имкониятҳои истеҳсолии Минтақаи озоди иқтисодии Данғара шинос шуд.    

Дар ҷараёни боздид оид ба самтҳои афзалиятноки фаъолияти минтақа, инфрасохтори муҳайёшуда, имтиёзҳои сармоягузорӣ, ҳамчунин, чорабиниҳои дастгирии давлатӣ ба соҳибкорон иттилооти мафассал пешниҳод гардид.

Дар ҷараёни боздид ҳайати мақомоти музофоти Шэнсии Чин бо ҷараёни истеҳсолот, иқтидори технологӣ ва дурнамои рушди корхонаҳои чиние, ки дар Минтақаи озоди иқтисодии Данғара фаъолият мекунанд, шинос шуданд.

Ҷонибҳо зимни мулоқот бо роҳбарияти МОИ Данғара дурнамои ҳамкориро дар самтҳои рушди саноат, бахши сохтмон, коркарди масолеҳи сохтмонӣ ва таъсиси корхонаҳои нави муштарак мавриди баррасӣ қарор доданд.

Роҳбарияти Минтақаи озоди иқтисодии Данғара барои густариш додани ҳамкориҳои иқтисодии минбаъда, татбиқи лоиҳаҳои нав  ва фароҳам кардани шароити мусоиди сармоягузорӣ изҳори омодагӣ намуданд.

Dialog.tj