Мақомоти маҳаллӣ дар вилояти Панҷшер мегӯянд, ки дар нақша доранд 100 тонна гелоси Панҷшерро ба бозорҳои Русия, Ӯзбекистон ва Қирғизистон  содир кунанд.

Бар асоси иттилоъ бо супориши волии Панҷшер Ҳофиз Муҳаммадоғо Ҳаким раёсати Вазорати саноати Афғонистон бо соҳибкорон ва деҳқонони Панҷшер мулоқот намуд ва дар ин нишаст тасмим гирифта шуд, ки гелоси Панҷшер ба хориҷа содирот шавад.

Соли гузашта бо талоши мақомоти маҳаллӣ гелоси Панҷшер ба Ҳиндустон содир шуд, аммо имсол бо сабаби таҳаввулоти минтақа нархи гелос арзон шуд. Бо ин ҳол, иқдоми саривақтии ҳукумат боис шуд, ки содироти гелос ба кишварҳои Осиёи Марказӣ оғоз шавад.

Дар ҳамин ҳол боғпарварони Панҷшер аз талошҳои роҳбарияти вилоят изҳори қаноатмандӣ карда, мегӯянд, ки соли гузашта тавонистанд гелосро ба арзиши 360 миллион афғонӣ ба фурӯш расонанд. Онҳо мегӯянд, ки имсол бо таваҷҷуҳ ба иқдоми саривақтии мақомот содироти гелос ба кишварҳои Қирғизистон, Ӯзбекистон ва Маскав ба шакли беҳтар ҷараён дорад. Соҳибкрони Панҷшер гуфтаанд, ки имкониятҳои зиёде дар робита ба густариши ҳамкориҳои тиҷоратӣ бо кишварҳои Осиёи Миёна вуҷуд дорад.

Dialog.tj