Сергей Лавров, вазири корҳои хориҷии Федератсияи Русия дар бораи бозгашти дубораи НАТО ба Афғонистон ҳушдор дода, гуфт, ки созмони мазкур баъди чор соли хуруҷи таҳқиромез мехоҳад дубора ба ин кишвар баргардад. 

Вазири корҳои хориҷии Русия дар шаҳри Перми Русия дар бораи кӯшишҳои бозгашти НАТО ва Амрико хабар дод, аммо шеваи чигунагии бозгашти созмони мазкурро ба тафсил нагуфт.

Ин бори аввал нест, ки Сергей Лавров аз бозгашти НАТО ва Амрико ба Афғонистон ҳушдор медиҳад. Ӯ қабл аз ин низ аз “робитаҳои шубҳабарангез”-и кишварҳои ғарбӣ бо Толибон интиқод намуда, нисбати ниятҳои пинҳонии онҳо изҳори нигаронӣ карда буд.

Сергей Лавров бидуни шарҳи ҷузъиёт ҳар гуна таъсис додани пойгоҳҳои нави Амрико ва НАТО-ро дар Афғонистон маҳкум кард.

“Мо шоҳиди талошҳои фаъолонаи Ғарб барои бозгашт ба саҳнаи Афғонистонем, саҳнае, ки баъди ба сари қудрат омадани Толибон онро тарк карда буданд. Мо бо ҳузури одилона ва шаффофи кишварҳои ғарбӣ мушкил надорем, аммо ҳар гуна барномаҳои пинҳонӣ ва низомигароӣ қобили қабул нест”- гуфт Сергей Лавров.

Бозагашти дубораи Амрико ва НАТО тайи як соли охир аз забони баъзе аз мақомоти амрикоӣ низ садо медиҳад. Доналд Трамп чанд маротиба аз хуруҷи неруҳои амрикоӣ ва НАТО аз Афғонистон интиқод карда, таассуф хӯрда буд, ки кишвараш бояд пойгоҳи низомии Багромро ҳифз мекард.

Dialog.tj