Масъуд Пизишкиён, президенти Ҷумҳурии Исломии Эрон бо баёни ин ки талоши душманон ворид кардани тафаккуру андешаи нотавонӣ ва ихтилофу тафриқа дар дохили Эрон аст, гуфт, муваффақият ва пешрафти мо дар заминаҳои мухталиф душманони кишварро ноумед ва маъюс мекунад.

Масъуд Пизишкиён дар маросими дуюмин солгарди новгуруҳи дарёии Эрон, ки суханронӣ мекард, афзуд: “Дар ҳавзаи низмоӣ ва дифоӣ ин нигоҳ, ки мо метавонем муваффақ шавем ва ниёзҳову таҷҳизоти низомии худро бидуни вобастагӣ ба дигарон таъмин кунем, бисёр ифтихоромез аст”.

Масъуд Пизишкиён бо ишора ба суханони ахири Доналд Трамп дар кишварҳои Халиҷи Форс афзуд, суханони Трамп бар зидди миллати Эронро ғайри худаш касе бовар намекунад. Ӯ аз як сӯ, аз сулҳу оромиш сухан мегӯяд ва аз сӯи дигар бо таҳдид аз пешрафтатарин абзорҳои куштори мардум мегӯяд ва бо суханони зидду нақиз ҳамзамон паёми сулҳ, куштор ва ноамнӣ медиҳад.

“Мо ба дунболи ҷанг нестем, аҳли музокираем ва гуфтугӯ мекунем, аммо аз таҳдид ҳам наметарсем ва ба ҳич унвон аз ҳуқуқи қонунии худ ақибнишинӣ нахоҳем кард”- таъкид кард Масъуд Пизишкиён.

Президенти Ҷумҳурии Исломии Эрон дар идомаи суханонаш бо ишора ба сукути ҳомиёни ҳуқуқи башар дар баробари куштори 60 ҳазор инсони бедифоъ ва бегуноҳ ба воситаи Исроил ва бастани обу ғизо ба рӯи занон афзуд: “Онҳо чӣ гуна мехоҳанд бо ин ҷиноятҳои худ сулҳро барои башарият ба армуғон биоваранд? Бо наслкушӣ ва куштори бегуноҳон наметавон аз сулҳ ва ҳуқуқи башар сухан гуфт”.

Масъуд Пизишкиён бо ишора ба ҳукми Судии ГААГА дар мавриди маҳкумияти Бенямин Нетаняҳу гуфт, ки даъвогарони дуруғини ҳуқуқи башар ва демократия “мехоҳанд қазоват дар суди байналмилалӣ низ бо меъёрҳои худашон бошад”.

“Ҳар инсони озодае, ки ғайрат дошта бошад, дар муқобили ин навъ нигоҳ ва рафтор сар хам нахоҳад. Мо мусаммам ҳастем, ки кишварамонро ба қуллаҳое аз муваффақият ва пешрафт бирасонем, ки онҳо тасаввурашро ҳам наметавонанд бикунанд”, - таъкид кард Масъуд Пизишкиён.

Масъуд Пизишкиён, президенти Ҷумҳурии Исломии Эрон гуфт, ин гуна нест, ки агар онҳо моро таҳдид кунанд, аз ҳуқуқи инсонӣ ва ҳаққи мусалами худ ақибнишинӣ мекунем.

“Онҳо донишмандон, руҳониён ва бузургони моро террор мекунанд, баъд моро муттаҳам мекунанд, ки террорист ҳастем. Мо қурбонии террор ҳастем. Мо аз назари онҳо боиси наомнӣ ҳастем, барои ин ки намехоҳем дар баробари зӯргӯиҳои онҳо сар хам кунем ва мегӯем, қодирем рӯйи пойи худамон биистем”- таъкид кард Масъуд Пизишкиён.

Dialog.tj