Сергей Вершинин, муовини вазири корҳои хориҷии Русия ва Акан Рахметуллин, муовини аввали вазири корҳои хориҷии Қазоқистон дар бораи вазъияти Афғонистон ва мубориза бо терроризм ва экстремизм гуфтугӯ карданд.

Агентии иттилоотии “ТАСС” рӯзи чоршанбе гузориш дод, ки "ҷонибҳо бо арзёбиҳои ҳамаҷониба дар хусуси вазъияти амниятӣ табодули назар карданд ва ба таври муфассал масъалаҳои рӯзро вобаста ба муқобила бо терроризми байналмилалӣ, экстремизм ва қочоқи ғайриқонунии маводи мухаддир бо таваҷҷуҳ ба шароити Ховари Миёна, Афғонистон ва дигар минтақаҳои гирифтори мушкилот баррасӣ намуданд."

Русия ва Қазоқистон, бо вуҷуди нигарониҳои амниятӣ аз Афғонистон, бо гурӯҳи террористии Толибон муносибатҳои дипломатию иқтисодӣ доранд.

Ҳар ду кишвар Толибонро аз феҳристи гурӯҳҳои террористӣ хориҷ кардаанд. Русия даъво мекунад, ки Толибон бо ДОИШ мубориза мебарад.

Русия ва кишварҳои Осиёи Марказӣ аз хатари гурӯҳҳои террористӣ, аз ҷумла ДОИШ ба қаламрави худ хеле нигаронанд.

Хадамоти амнияти Русия дар моҳҳои гузашта чандин узви ДОИШ-ро шиносоӣ ва боздошт кардааст. Дар як ҳолат гузориш шуд, ки яке аз аъзои ДОИШ мехост пас аз инфиҷори метрои Маскав ба Афғонистон фирор кунад.

Дар ин замина, кишварҳои Осиёи Марказӣ дар доираи Созмони аҳдномаи амнияти Дастаҷамъӣ ҳамкориҳои амниятӣ ва марзии худро густариш додаанд.

Dialog.tj