Расонаҳои Русия гузориш даданд, ки рӯзи 11-уми апрел мулоқоти Владимир Путин, президенти Федератсияи Русия ва Стивен Уиткофф, фиристодаи махсуси Доналд Трамп дар шаҳри Санкт –Петербург баргузор гашт. Дафтари матбуоти президенти Русия навореро, ки дар он Путин аз Уиткофф истиқбол мекунад ва ба ӯ даст медиҳад, нашр намуд.

Қаблан, “Франс-пресс” хабар дода буд, ки Путин ва Уиткофф доир ба масъалаи ҷанги Украина гуфтугӯ хоҳанд кард. Ин мулоқот баъди он сурат мегирад, ки Марко Рубио, вазири корҳои хориҷии Амрико дар ҷаласаи Паймони Атлантикаи Шимолӣ (НАТО) дар Брюссел гуфта буд, ки Амрико дар давоми чанд ҳафта  мушаххас хоҳад кард, оё Русия дар мавриди сулҳ ҷиддӣ аст ё на.

Ин дидор дар ҳоле сурат мегирад, ки Доналд Трамп аз ба натиҷа нарасидани созиши қаблӣ оид ба қатъи ҳамла ба инфрасохтор ва муассисаҳои энерегетикии Украина хамшгин ва ноумед шудааст. Қаблан, дар музокироти Стив Уиткофф ва мақомоти Русия масъалаи ҳамла накардан ба инфрасохтор ва муассисаҳои энергетикӣ матраҳ шуда буд ва ҳар ду ҷониб қавл дода буданд, ки дар ин замина оташбаси кӯтоҳро риоя хоҳанд кард.

Баъди сафари Стивен Уиткофф ба Русия расонаҳо навиштанд, ки эҳтимолан дар рӯзҳои оянда Владимир Путин ва Доналд Трамп дар хусуси масъалаи баҳси Украина ва расидан ба созишномаи сулҳ ба созиш хоҳанд расид.

Dialog.tj