9-уми апрел дар доираи даври ¼ ниҳоии Лигаи қаҳрамонҳо бошгоҳҳои “Реал Мадрид” ва “Арсенал” бозии якуми худро барпо карданд ва дастаи шоҳонаи испанӣ бо ҳисоби калон 3 бар 0 бохт.

Бохти дастаи шоҳона дар Лигаи қаҳрамонҳо, ки асосан унвони қаҳрамонии ин мусобиқаро аз ҳама зиёд 15 маротиба соҳиб шудааст, хеле ҳайратовар аст, вале “Арсенал” дар майдони худ тавонист, ки се голи беҷавоб ба дарвозаи рақибаш ворид намояд.

Новобаста аз оне, ки ҳисоби калон дар миён аст, вале мухлисон ва худи футболозони дастаи “Реал Мадрид” ба боваре ҳастанд, дар бозии ҷавобӣ, ки 17-уми апрел доир мегардад, натиҷаи умумӣ тағйир меёбад ва бошгоҳи шоҳона ба даври нимниҳоӣ мебарояд.

Аз ҷумла, яке аз футболбозони калидии “Реал Мадрид” Винисиус Ҷуниор пас аз мағлубият чунин гуфт: “Дар ҳақиқат бозии мо бисёр бад буд, вале мо бовар дорем, ки дар майдони худ ҳолатро тағйир медиҳем, зеро мо дар майдонамон “камбэк”-ҳои зиёд кардаем.

Дар баробари  Винисиус Ҷуниор, дигар футболозон ҳам, аз ҷумла Лука Модрич, Мбаппе, Беллингем бовар доранд, ки дар бозии ҷавобӣ ғалабаи калон ба даст оварда, ба даври баъдӣ роҳхат меёбанд.

Dialog.tj