РУС ТОҶ
19 Сентябр 2026,
шанбе, 05:16, Душанбе
Диалог. Тоҷикистон ва ҷаҳон
РУС ТОҶ
Русия
02.04.2025 13:50

Русия 6 “мағзи мутафаккир”–и ҳодисаи “Крокус”-ро аз Осиёи Марказӣ ҷустуҷӯ мекунад

Мақомоти Федератсияи Русия 6 нафар шаҳрвандони кишварҳои Осиёи Марказиро ба гумони созмон додани ҳодисаи террористии “Крокус сити” дар ҷустуҷӯи байналмилалӣ қарор додаанд. Мақомоти тафтишотии Русия гуфтаанд, ки ин шаш нафар “мағзи мутафаккир”-и ҳодисаҳои террористии “Крокус сити” мебошанд. Дар ин хусус, Светлана Петренко, намояндаи расмии Кумитаи тафтишотии Русия хабар додааст.

“Ташкили бевоситаи ҳодисаи террористиро 6 шаҳрванди Осиёи Марказӣ анҷом додаанд, ки баъзеашон бо тахаллусҳои гуногун амал мекарданд. Онҳо дар хориҷи кишвар қарор доранд, бинобар ин, ҳукми ғоибонаи боздошти онҳо содир шуда, дар кофтукови байналмилалӣ қарор доранд. Ин гумонбарон 4 нафар иҷрокунандагони ҳамла – Далерҷон Мирзоев, Муҳаммадсобир Файзов, Шамсиддин Фариддун ва Саидакрам Раҷабализодаро ҷалб намуда, онҳоро дар хориҷи кишвар омӯзиш додаанд” – гуфт Светлана Петренко.

Ёдовар мешавем, ки ҳодисаи террористии хунин дар толори консертии “Крокус сити Холл”, воқеъ дар шаҳри Красногорск, рӯзи 22-уми марти соли 2024 рӯх дод. Террористон вориди толори консертӣ шуда, ба сӯйи мардум тирпаронӣ намуданд. Баъдан аз толори консертӣ берун шуда, онро оташ заданд. Ин ҳодисаи террористӣ пурталафотарин ҳодиса дар чанд соли ахир буд. Дар пайванд ба ин ҳодиса афроди зиёде аз кишварҳои Осиёи Марказӣ боздошт шуданд.

Dialog.tj

Хатти хабарҳо

Таҳлили "Диалог"
18.09.2026 18:29

“Санксияҳои амрикоӣ дар мекӯбанд?” Амрико аз кишварҳои Осиёи Марказӣ хост роҳи тиҷорат бо Эронро маҳдуд кунанд

Хабаргузории “Меҳр”-и Эрон бо такя ба манобеи иттилоотӣ навишт, ки мақомоти амрикоӣ дар тозатарин ҳаракати дипломатӣ аз кишварҳои Осиёи Марказӣ хостаанд, ки роҳи тиҷорат бо Эронро бибанданд. Ин хабаргузорӣ дар пасманзари ин пешниҳоди Амрико навишт: “Роҳи оҳан, шоҳроҳ, бандар, қубури газ ва масири транзитӣ дар як шаб бунёд намешавад. Барои ҳамин, агар Эрон барои минтақа фақат як бозори нисбатан хурд мебуд, ҷудо шудан аз он осонтар менамуд. Вақте сухан аз роҳи дастрасӣ ба баҳр ва бозорҳои ҷанубӣ меравад, масъала хеле мураккабтар мешавад”.
Ҷомеа
18.09.2026 18:38

Ду кудак бо дастони баста дар ғори Муъминобод пайдо шуданд

Сокинони як деҳа дар ноҳияи Муъминобод дар нисфи шаб бо як саҳнаи такондиҳанда рӯ ба рӯ шуданд. Онҳо ду кӯдаки хурдсолро бо дастони баста, дар як ғор, дар зери буттаҳо пайдо намуданд. Ин ду кӯдак иқрор намуданд, ки онҳоро дуздида, бо дастони баста дар ин ғор ҷо додаанд.
Нақлиёт
18.09.2026 14:04

Ба ҷои метро дар Душанбе роҳи оҳани шаҳрӣ. Тоҷикистон аз ширкатҳои кореягӣ хост дар ин тарҳ сармоягузорӣ кунанд

Вазири нақлиёти Ҷумҳурии Тоҷикистон аз ширкатҳои Кореяи Ҷанубӣ даъват намуд, ки дар бунёди роҳи оҳани шаҳрии Душанбе, ки арзиши он беш аз як миллиард доллар аст, ширкат ва сармоягузорӣ кунанд.
Аврупо ва Америка
18.09.2026 12:16

Сарвазири Шветсия пас аз шикасти интихоботӣ истеъфо дод

Сарвазири Шветсия Улф Кристерссон пас аз натиҷаи ниҳоии интихоботи парлумонӣ аз мақомаш истеъфо дод. Ин иқдом роҳро барои ташкили ҳукумати нави таҳти раҳбарии Магдалена Андерссон боз мекунад.
Фарҳанг
18.09.2026 08:38

Фестивали байналмилалии санъати сиркӣ расман оғоз шуда, осорхонаи Сирк ифтитоҳ гардид

Бинобар иттилои маркази матбуоти Вазорати фарҳанги Ҷумҳурии Тоҷикистон, дар шаҳри Душанбе нахустин Фестивали байналмилалии санъати сиркӣ таҳти унвони «Дунёи сирк — пайвандгари қалбҳо» оғоз гардид.
Вилояти Суғд
18.09.2026 07:36

Ҷалби сармоягузорӣ ва роҳандозии корхонаҳои муштарак. Раҷаб Аҳмадзода бо намояндагони мақомоти давлатӣ ва соҳибкорони рус мулоқот кард

Раиси вилояти Суғд Раҷаб Аҳмадзода бо намояндагони Думаи вилояти Воронеж, мақомоти намояндагии минтақавӣ, Палатаи савдо ва саноати вилояти Рязан ва соҳибкорони рус мулоқот намуд.
Душанбе
17.09.2026 17:24

Хабарнигори “Телевизиони Тоҷикистон” дар садамаи нақлиётӣ ҷон бохт

Хабарнигори шабакаи “Телевизиони Тоҷикистон” Маҳмадраҷаб Абдуллозода дар як садамаи нақлиётӣ дар роҳи мошингарди Душанбе-Чаноқ ҷон бохтааст. Дар натиҷаи ин садама се ҳамроҳи ӯ низ ҷароҳат бардоштаанд.
СҲШ
17.09.2026 16:17

Дар Душанбе Ҷаласаи 25-уми вазирони масъули фаъолияти иқтисод ва савдои хориҷии СҲШ доир шуд

Имрӯз, 17-уми сентябр дар шаҳри Душанбе бо роҳбарии вазири рушди иқтисод ва савдои Ҷумҳурии Тоҷикистон Абдураҳмон Абдураҳмонзода ва бо иштироки роҳбарон ва намояндагони вазорату идораҳои масъули фаъолияти иқтисод ва савдои хориҷии кишварҳои аъзои Созмони Ҳамкории Шанхай, ҷаласаи 25-уми вазирони масъули фаъолияти иқтисод ва савдои хориҷии Созмони Ҳамкории Шанхай баргузор шуд.