Як коршиноси Чин дар пояи мулоқоти сеҷонибаи Эрон, Чин ва Русия оид ба масъалаи атомии Эрон гуфтааст, ки сиёсати тамаъҷӯёнаи Иёлоти Муттаҳидаи Амрико монеаи аслӣ дар ҳалли масъалаҳои атомии Эрон аст.

Лю Ҷунгмин, коршиноси масъалаҳои Ховари Миёна дар суҳбат бо рӯзноманигор ба набуди эътимоди дуҷониба миёни Теҳрону Вашингтон таъкид кард, ки Амрико бо пеш гирифтани сиёсати тамаъҷӯёна мехоҳад аз Эрон имтиёзҳои бештар гирад, вале Теҳрон дар мавқеи худ устувор боқӣ мондааст.

Коршиноси чинӣ таъкид кардааст, дар шароити феълӣ авлавияти асосӣ пеш гирифтани роҳкори ором ва боэҳтиёт аз ҳама ҷонибҳо барои мудирияти ин масъала мебошад ва сиёсати тамаъҷӯӣ ё иқдомҳои якҷониба мушкилотро ҳал нахоҳад кард.

Ин дар ҳолест, Мао Нинг, сухангӯи Вазорати корҳои хориҷии Чин, рӯзи чоршанбе эълон намуд, ки Ҷао Шу, муовини Вазири корҳои хориҷии ин кишвар рӯзи ҷумъа барои баррасии масъалаи атомии Теҳрон мизбони Сергей Риябков, муовини Вазири корҳои хориҷии Русия ва Козим Ғарибободӣ, муовини ҳуқуқӣ ва байналмилалии Вазири корҳои хориҷии Эрон хоҳад буд. Ӯ дар остонаи нишасти сеҷонибаи Чину Русия ва Эрон аз ҳалли дипломатии масъалаи атомии Теҳрон ҳимоят намуда, ҳама ҷонибҳоро ба хештандорӣ даъват намуд.

Dialog.tj