Сарвазири Ҷумҳурии Тоҷикистон Қоҳир Расулзола, ки бо даъвати Эрон барои ширкат дар Ҳамоиши иқтиcодии Хазар ба ин кишвар сафар намуда буд, ба як қатор корхона ва маҷмуаҳои истеҳсолии Эрон шинос шуд.

Дар ҷараёни сафар сарвазир Қоҳир Расулзода бо корхонаи истеҳсолии ширкати “Турбинаҳои газӣ” (ТОГА) - и шаҳри Фардиси вилояти Албурзи Ҷумҳурии исломии Эрон боздид намуда, ба имкониятҳои истеҳсоли саноатии ҷамъияти “МАПНО” шинос шуд.

Ҷамъияти ширкати истеҳсолии “МАПНО” яке аз корхонаҳои бузурги истеҳсоли турбинаҳои газӣ дар Эрон аст.

Қоҳир Расулзода дар ҷараёни боздид ба мақомоти ширкат гуфт, ки Тоҷикистон ҳадаф дорад аз зарфиятҳои корхонаи МАПНО дар ҷиҳати сохтусози турбинаҳо барои неругоҳҳои барқиву обӣ ва ҳароратӣ истифода намоянд.

Қоҳир Расулзода таъкид намуд, ки дар Ҷумҳурии Тоҷикистон неругоҳҳои барқӣ, обӣ ва ҳароратӣ кор мекунанд ва ширкати “МАПАНО” метавонад бо ширкаҳои тоҷикистонӣ дар ин замина ҳамкорӣ дошта бошад.

Сарвазири Тоҷикистон ба намояндагони ширкати эронӣ пешниҳод кард, ки метавонанд ба Тоҷикистон сафар намуда, дар ин замина ҳамкориҳои муштаракро оғоз намоянд.

Dialog.tj