Дар оғози моҳи марти соли ҷорӣ дар арафаи Рӯзи модар фестивали “Сад ранги чакан” баргузор мегардад.

Фестивали мазкур бар асоси “Ҷадвали ҷашнҳо ва солгардҳо, фестивалҳо ва намоишгоҳҳо, идҳои фарҳангӣ-маърифатӣ ва озмунҳои анъана ва ҳунарҳои мардумии Ҷумҳури Тоҷикистон барои соли 2025”, ки бо фармони президенти Ҷумҳурии Тоҷикистон тасдиқ гардидааст, баргузор мешавад.

Тибқи иттилои масъулон ҳадафи баргузории чорабинии “Сад ранги чакан” тарғиби либоси миллӣ, баланд бардоштани нақши гулдӯзии сӯзанӣ ва нақшҳои гулдӯзӣ дар матоъҳои миллӣ, намоиши маҳорати баланди тарроҳони кишвар, дӯзандагони чакан, гулдӯзон ва ҳунармандон мебошад.

Фестивали мазкур дар се марҳила дар тамоми минтақаҳои Тоҷикистон баргузор мегардад. Маҳилаи аввали фестивал аз 14-уми март то 10-уми апрел дар марказҳои шаҳру ноҳияҳо баргузор мешавад. Маҳилаи дуюми он то 25 –уми апрел дар сатҳи вилояту шаҳрҳои ҷумҳурӣ доир мегардад.

Дар ниҳоят, марҳилаи ниҳоии фестивал бо ширкати беҳтарин ҳунармандон дар шаҳри Душанбе баргузор мегардад.

Қобили зикр аст, ки дар соли 2024 аз 12 то 18-уми апрел бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон дар доираи фестивали “Сад ранги чакан” дар майдони “800 – солагии Москава” –и шаҳри Душанбе намоиш-фурӯши маҳсулоти чакан ва дигар навъи маҳсулоти ҳунарҳои дастӣ баргузор гардида буд. Дар ин намоишгоҳ ҳунармадон аз тамоми минтақаҳои Ҷумҳурии Тоҷикистон иштирок намуда буданд.

Dialog.tj