Бинобар иттилои Федератсияи футболи Тоҷикистон аз 10-ум то 22-юми феврал марҳилаи ниҳоии Ҷоми ФФТ-2025 дар Душанбе доир мегардад.

Манбаъ мегӯяд, ки маблағи умумии ҷоизаҳои мусобиқа 100 ҳазор сомониро ташкил медиҳад.

Ҳамин тавр, барандаи Ҷоми Федератсия дар баробари ҷом, инчунин, соҳиби 50 ҳазор сомонӣ мукофотпулӣ мешавад. Ғолиби медали нуқра бо 30 ҳазор сомонӣ ва барандаи медали биринҷӣ бо 20 ҳазор сомонӣ қадрдонӣ мегарданд.

Марҳилаи ниҳоии ФФТ-2025 чунин аст:

 «Истиқлол» (Душанбе), «Регар-ТадАЗ» (Турсунзода), «Саразм» (Панҷакент), «Сомон» (Данғара) шомили гурӯҳи «А» ва дар гурӯҳи «Б» КМВА (Душанбе), «Ҳосилот» (Фархор), «Мастчоҳ» (Мастчоҳ), «Панҷшер» (Ҷалолиддини Балхӣ) ҷой гирифтаанд.

Қобили зикр аст, ки соли гузашта дастаи “Равшан” дар финали Ҷоми ФФТ бар “Ҳосилот” зафар ёфта, бори аввал дар таърих ғолиб шуда буд. “Ҳосилот” соҳиби нишони нуқра ва КМВА барандаи нишони биринҷии мусобиқа гардиданд.

Dialog.tj