Дар вилояти Хатлон ҷалсаи ситоди корӣ оид ба мубориза бар малах доир гашт. Дар ин хусус Хадамоти матбуоти Раиси вилоят хабар медиҳад.

Дар ҷаласа раисони шаҳру ноҳияҳои Кӯшониён, Левакант, Вахш, Панҷ, Хуросон, Қубодиён, Абдураҳмони Ҷомӣ, Данғара, Фархор, Ҷалолиддини Балхӣ, Ҷайҳун, Ҳамадонӣ, Ёвон, Шаҳртӯс, Дӯстӣ, Носири Хусрав ва Темурмалик иштирок намуда, дар хусуси тадбирҳои мубориза бар малах суханронӣ намуданд.

Дар ҷаласа зикр гардид, ки имсол низ эҳтимоли паҳн шудани малах вуҷуд дорад. Бинобар ин, зарур аст, ки аз ҳоло барои нест кардани ин ҳашароти зараррасон чораҳои зарурӣ андешида шавад.

Раиси вилоят Давлаталӣ Саид ба масъулон супориш дод, ки бо мақсади омодагӣ ба мубориза бар малах, сари вақт гузаронидани чорабиниҳо ва дар ин замина, муҳофизати майдонҳои кишти зироати кишоварзӣ, чарогоҳҳо ва ҷангалзор аз ҳуҷуми малахи марокашӣ ва ҳалли мушкилоту камбудиҳои дар самти мубориза бо малағ чораҳои зарурӣ андешида шавад.

Дар вилоят Ситоди мубоиза бар малах амал мекунад. Таъкид шуд, ки ҳамчунин, дар шаҳру ноҳияҳои осебпазир Ситоди мубоиза бар малах таъсис дода шавад.

Дар ҷаласа ба роҳбарони филиалҳои Муассисаҳои давлатии “Экспедитсияи мубориза бар зидди малах” супориш дода шуд, ки дар муддати кӯтоҳ мушоҳидаҳои зимистониро оид ба муайян намудани макони тухмгузаронии малах иҷро карда, дар шаҳру ноҳияҳо харитаҳои маконҳоро маълум созанд ва корҳои техникӣ гузаронанд.

Dialog.tj