Дар Тоҷикистон аввалин маркази зеҳни сунъӣ бо номи “AL Factory” ба фаъолият оғоз мекунад. Дар ин бора, Шӯрои зеҳни сунъии Вазорати саноат ва технологияҳои нави Тоҷикистон хабар додааст.

Тибқи иттилои Вазорат, маркази мазкур заминаи рушди технологияҳои пешрафта ва татбиқи лоиҳаҳои инноватсиониро фароҳам мекунад.

“Маркази нав ба барномаҳои таълимӣ, хизматрасонии машваратӣ, дастгирии фаъолияти стартапҳо ва таҳқиқоти илмӣ тамаркуз хоҳад кард. Академияи зеҳни сунъӣ курсҳои омӯзиши мошинсозӣ, биниши компютерӣ ва коркардро пешниҳод мекунад, ки имкон медиҳад, мутахассисонро ҳам дар сатҳи замонавӣ ва ҳам олӣ омода созад” – таъкид кардааст Вазорати саноат ва технологияҳои нави Тоҷикистон.

Гуфта мешавад, ки маркази зикршуда барои корхонаҳо имкониятҳои инноватсионӣ таҳия хоҳад кард. Ҳамчунин, роҳандозии стартап ба тими ҷавонон дар тавлиди маҳсулот ва ба бозор баровардани онҳо кумак менамояд.

“Ташаббус, инчунин, ба таъсиси ҷойҳои корӣ, таҳияи барномаҳои таълимӣ ва дастгирии инноватсия нигаронида шудааст, ки рақобатпазирии кишварро дар арсаи байналмилалӣ ба таври қобили мулоҳиза афзоиш медиҳад”- мегӯянд масъулини тарҳи маркази сунъӣ дар Тоҷикистон.

Dialog.tj