Имрӯз, 4-уми декабр президенти Ҷумҳурии Тоҷикистон Эмомалӣ Раҳмон ва раиси шаҳри Душанбе Рустами Эмомалӣ бинои нави Суди Олиро ифтитоҳ намуданд. Бинои нави Суди Олӣ хуштарҳу замонавӣ буда, дар маркази шаҳри Душанбе ҷойгир мебошад.

Бинои Суди Олӣ бо супориши сарвари кишвар барои фароҳам овардани шароити мусоиди кории кормандони мақомоти судӣ бунёд гардида, дорои шароити пешрафтаи кору хизматрасонӣ аст. Он аз 15 ошёна иборат буда ва сохтмони он аз ҷониби Дирексияи сохтмони иншооти ҳукумати Дастгоҳи иҷроияи Президенти Ҷумҳурии Тоҷикистон бо харҷи 185 миллион сомонӣ аз ҳисоби маблағҳои буҷетӣ бунёд шудааст.

“Бинои нави Суди Олӣ дорои 171 ҳуҷраи корӣ, маҷлисгоҳ бо 400 ҷойи нишаст, 8 толори муҳокимаи судӣ, бойгонии парвандаҳои судӣ, ҳуҷраҳои қабули шаҳрвандон, ҷойи нигоҳдории судшавандаҳо, толор барои конфронсҳои матбуотӣ, китобхонаи анъанавӣ ва электронӣ, ошхона ва дигар иншооти ёрирасон буда, ҳамаи ҳуҷраҳо тибқи стандартҳои матлуб ҷиҳозонида шудааст” – таъкид мекунад дафтари матбуоти Президенти Ҷумҳурии Тоҷикистон.

Сарвари кишвар зимни шиносоӣ аз бинои нави Суди Олӣ ба корҳои сохтмонӣ баҳои баланд доданд ва таъкид намуданд, ки бинои нав туҳфаи арзанда ба кормандони мақомоти судии кишвар ба истиқболи солгарди 35-уми Истиқлоли давлатии Ҷумҳурии Тоҷикистон аст.

Президенти кишвар, ҳамчунин, таъкид намуданд, ки бо истифода аз шароити фароҳамовардашуда кормандони мақомот вазифадоранд, ки ҳуқуқ, озодии инсону шаҳрванд, манфиати давлат, ташкилоту муассисаҳо, қонунияту адолатро ба таври бояду шояд ҳифз карда, волоияти қонунро таъмин намоянд.

Dialog.tj