Дар шаҳри Душанбе бори аввал машруткаҳои барқии мусофиркашонӣ дар баробари фаъолияти автобусҳои барқӣ ба кор оғоз кард. Тибқи барномаи рушди шаҳрдории Душанбе қарор аст, то соли 2028 нақлиёти ҷамъиятии шаҳри Душанбе пурра барқӣ шавад.

Бар асоси иттилои Вазорати нақлиёти Тоҷикистон машруткаҳои барқӣ навъи  буда, зарфияти ғунҷоиши 17 мусофирро доранд. Машруткаҳои мазкур дорои курсиҳои эргономикӣ, бордони васеъ, тарҳи замонавӣ буда, дар он дастгоҳи сардсозии ҳаво насб шудааст.

“Дар айни замон шаш адад микроавтобусро ба роҳ баровардем. Ба қарибӣ шумораи онҳо зиёд хоҳад шуд”- гуфтааст, роҳбари ширкати “Аҳмар”.

Машруткаи мусофирбарии барқии мазкур бо батареяи 80 киловатта муҷаҳҳаз буда, бо як маротиба гирифтани барқ метавонад 350 клометр ҳаракат кунад. Яъне, ин навъи машрутка бо як бор неру (заряд) гирифтан метавонад чанд рӯз фаъолият кунад.

Қаблан 30 автобуси барқӣ фаъолияташро дар шаҳри Душанбе оғоз кард.

Шаҳрдории Душанбе “Барномаи давлатии рушди нақлиёти барқӣ барои солҳои 2023-2028” – ро қабул кардааст, ки тибқи он имсол бояд пурра таксиҳои мусофирбарии шаҳр барқӣ шаванд.