Бодшоҳ Соҳӣ, шаҳрванди 21-солаи Афғонистон ва сокини Арлингтон дар иёлати Техаси Амрико, ба далели тавлид ва нигаҳдории муҳтавои ҷинсии марбут ба кӯдакон, ба 35 сол зиндонии федералӣ маҳкум шудааст.

Прокуратураи Амрико барои ҳавзаи шимолии Техас эълом кардааст, ки Соҳӣ дар аввали апрел ба иттиҳомҳои тавлид ва нигаҳдории муҳтавои ҷинсии марбут ба кӯдакон эътироф ба ҷиноят карда буд.

Бар асоси асноди Прокуратура, полиси Форней 28-уми феврали соли 2025 ӯро ба иттиҳоми таҷовузи ҷинсӣ ба як кӯдак боздошт кард.

Дар бозрасӣ телефони Соҳӣ, акс ва видеоҳои вобаста ба кӯдакон ва паёмҳои ӯ бо чанд кӯдаки дигар пайдо шудааст.

Тибқи асноди прокуратура, Соҳӣ дар дастикам як маврид аз тариқи як платформаи бозии онлайн, як кӯдаки 10-сола дар иёлати Индианаро водор карда буд, ки тибқи дастури ӯ видеоҳои ҷинсӣ ба навор гирад ва барояш ирсол кунад.

Ба гуфтаи полис, Бодшоҳ Соҳӣ медонистааст, ки ин кӯдак зери синни қонунӣ аст ва бо вуҷуди ин аз ӯ дархост кардааст барояш видеоҳои ҷинсӣ бифиристад.

Ҳамчунин, мушаххас шудааст, ки ӯ бо як духтари 15-сола дар Сан-Маркоси Техас дар иртибот буда ва пас аз рафтан ба маҳалли зисти ӯ, аз таҷовузи ҷинсӣ ба ин духтар филмбардорӣ кардааст.

Антуан Ҷонс, сарпарасти маъмурони вижаи Идораи таҳқиқоти амнияти дохилии Амрико дар Даллас, гуфтааст, ки Соҳӣ дар ҷараёни хуруҷи неруҳои амрикоӣ аз Афғонистон дар соли 2021, бидуни баррасиҳои лозим вориди Амрико шудааст.

Dialog.tj