Швейтсария бо маҳкум кардани хушунати шаҳракнишинони исроилӣ алайҳи фаластиниён дар Каронаи Бохтарӣ, хостори ҳифзи ғайринизомиёни фаластинӣ шудааст.

“Ал-Ҷазира”, субҳи рӯзи панҷшанбе, 1-уми октябр, гузориш додааст, ки ин мавзуъро Вазорати корҳои хориҷаи Швейтсария баён кардааст.

Бар асоси гузориш, Вазорати корҳои хориҷаи Швейтсария гуфтааст, ки “хушунати шаҳракнишинон дар Каронаи Бохтарии ишғолшуда қобили таҳаммул нест”.

Ин вазорат аз Исроил хостааст, ки аз хушунати шаҳракнишинон алайҳи ғайринизомиёни фаластинӣ ҷилавгирӣ кунад ва масъулони хушунатҳоро мавриди пайгарди қазоӣ қарор диҳад.

Ин дар ҳолест, ки дар ҳафтаҳои ахир гузоришҳои зиёде аз хушунати шаҳракнишинони исроилӣ алайҳи ғайринизомиёни фаластинӣ дар Каронаи Бохтарӣ нашр шудаанд.

Бо ин ҳол ва ба рағми интиқодҳои байналмилалӣ, Исроил ҳамчунон бар сохтани шаҳракҳои яҳудӣ дар манотиқи ишғолшуда таъкид мекунад.

Dialog.tj