Намояндаи ҳусиҳои Яман дар пайи изҳороти мақомоти Арабистони Саудӣ, ки гуфта буданд, ҳусиҳо ба макони муқаддаси Макка ҳамла намуданд, посух дод.

Маҳдӣ ал-Машшот, раиси Шурои олии сиёсии Яман таъкид намуд, иддаои Риёз дар хусуси мавриди ҳадаф қарор гирифтани Макка аз сӯйи Яман талошҳои ноумедкунанда барои барангехтани эҳсосоти мардуми ҷаҳон аст.

Ӯ гуфт, мардуми Яман ҳамон тавре, ки барои дифоъ аз Масҷиди Ақсо меҷанганд, барои дифоъ аз “Байтул-ҳарам” низ омодаи ҷоннисорӣ мебошанд.

“Касе, ки бо камоли бешармӣ “пардаи Каъба” -ро ба ҷинояткоре, ба мисли Эпштейн ҳадя мекунад, худи ӯ дар амал ба муқаддасоти Макка ва муқаддасоти исломӣ беҳурматӣ мекунад”- зикр намуд ин намояндаи ҳусиҳои Яман.

Дар ҳамин ҳол, Муҳаммад ал-Бухайтӣ, узви дафтари сиёсии ҳусиҳои Яман дар посух ба таблиғоти ахири расонаҳои Арабистони Саудӣ дар хусуси ҳамлаи Яман ба Макка таъкид кард, ки ин “дурӯғи бузург” аст. Ӯ бо ишора ба ҷойгоҳи муқаддаси Макка, Мадина ва Қудс дар андешаи муқовимат гуфт, ки мардуми Яман ва ҳукумати ин кишвар худро аз пешсафони дифоъ аз муқаддасоти исломӣ медонанд.

Ӯ такид кард, ки ин мантиқӣ нест, гурӯҳе, ки дар майдони ҷанг барои озодии қиблаи аввали мусулмонон меҷангад, ба ҳудуди қиблаи дувуми мусулмонон ҳамла кунад.

Расонаҳои Арабистони Саудӣ рӯзи гузашта, 16-уми сентябр иддао карданд, ки як паҳподи ҳусиҳои Яманро дар фарози осмони Макка раҳгирӣ ва нобуд кардаанд.

Dialog.tj