Як додситон дар иёлати Ню-Мексикои Амрико, ширкати Meta, молики Фейсбук ва Инстаграмро ба пардохти 567 миллион доллар ҷарима маҳкум кард.

“Ройтерз” рӯзи ҷумъа, 7-уми август, гузориш додааст, ки ин ҳукм рӯзи панҷшанбеи ҳамтаи гузашта содир шудааст ва далели он беаҳамиятӣ кардани Meta дар огоҳсозии мардум дар бораи хатарҳои эҳтимолии платформаҳои ин ширкат барои кӯдакон унвон шудааст.

Ин тасмим бузургтарин ҷарима ё ҳукми додгоҳ бар зидди Meta дар як парвандаи марбут ба амнияти кӯдакон дар платформаҳои ин ширкат хонда шудааст.

Meta дар солҳои охир бо парвандаҳои гуногун дар бораи амнияти кӯдакон дар шабакаҳои иҷтимоии худ рӯбарӯ шудааст.

Коршиносон ин ширкатро муттаҳам кардаанд, ки дар пешгирӣ аз осебҳои эҳтимолии бархоста аз истифодаи кӯдакон аз Фейсбук ва Инстаграм хунукназарӣ кардааст.

Dialog.tj