Маҳмуд Аббос, раиси Ташкилоти худгардони Фаластин, аз раҳбарони ҷаҳон хостааст барои таваққуфи ҳамлаҳои фузояндаи неруҳо ва шаҳракнишинони исроилӣ дар Каронаи Бохтарӣ иқдом кунанд.

Шабакаи “Ал-Ҷазира”, бомдоди душанбе, 27-уми июл, гузориш додааст, ки Маҳмуд Аббос номаҳое ба чандин раҳбар аз кишварҳои арабӣ ва аврупоӣ, ҳамчунин, Иттиҳоди Аврупо, дабири кулли Иттиҳоди Араб ва Шурои Амнияти Созмони Милали Муттаҳид ирсол кардааст.

Бар асоси гузориш, Аббос дар номаҳои худ гуфтааст, ки сарзаминҳои ишғолии Фаластин шоҳиди “ташдиди хатарнок”-и танишҳо ҳастанд ва “вазъият фаротар аз ҳаводиси хушунатомези рафтааст”.

Ӯ инро “сиёсати систематикии Исроил бо ҳадафи эҷоди воқеиятҳои нав дар саҳна аз тариқи густариши шаҳраксозӣ, ташдиди хушунати истиъморӣ ва тазъифи иқтидори миллии Фаластин” тавсиф кардааст.

Dialog.tj