Пентагон эълом кардааст, ки дар ду ҳафтаи гузашта, наздик ба 100 низомии амрикоӣ дар ҷараёни ҷанг бо Эрон захмӣ шудаанд.

Пентагон рӯзи душанбе, 20-уми июл, эълом кард, ки ин талафот дар пайи ҳамлаҳои Эрон ба мавзеъҳои низомии Амрико сабт шудааст: оморе, ки нишондиҳандаи шиддати ҳамлаҳои Эрон ба пойгоҳҳои низомии Амрико дар минтақа мебошад.

Ин омор дар ҳоле нашр мешавад, ки артиши Амрико ҳувияти ду сарбози кушташуда дар ҳамлаи маргбори шоми ҷумъаро низ эълом кардааст.

Ҳамчунин, давлати Доналд Трамп тайи чанд рӯзи гузашта аз ироаи ҷузъиёт дар бораи шумори низомиёни захмӣ худдорӣ карда буд.

Шон Парнелл, сухангӯи Пентагон, дар саҳифаи “Х” навишт: “Аз 7-уми июл то кунун, наздик ба 100 низомии амрикоӣ дучори дараҷаҳое аз осебдидагӣ шудаанд”.

Бар асоси омори нашршуда аз сӯйи Вазорати ҷанги Иёлоти Муттаҳида, аз оғози ҷанг дар 28-уми феврал то кунун 18 низомии амрикоӣ кушта ва 447 нафари дигар захмӣ шудаанд.

Dialog.tj