Эммануэл Макрон, раиси ҷумҳури Фаронса, аз тавофуқи бадастомада миёни Амрико ва Эрон истиқбол карда ва хостори иҷрои сареъ ва комили он шудааст.

Макрон бомдоди душанбе, 15-уми июн дар “Икс” навиштааст, ин тавофуқ натиҷаи талошҳои дипломатие аст, ки чандин кишвар ва шарики байналмилалӣ дар он нақш доштаанд.

Ӯ афзудааст, ки ин тавофуқ бояд ба бозгушоии фаврӣ ва бидуни қайду шарти тангаи Ҳурмуз мусоидат кунад ва таъкид кардааст, ки азсаргирии ҳамли дарёӣ бидуни маҳдудият барои суботи минтақа ва иқтисоди ҷаҳонӣ зарурӣ аст.

Раиси ҷумҳури Фаронса, ҳамчунин, гуфтааст, ки ин тавофуқ заминаро барои музокироти густардатар дар бораи сулҳ ва амният дар Ховари Миёна фароҳам мекунад.

Ба гуфтаи ӯ, ин музокирот бояд мавзуъҳои марбут ба барномаи ҳастаӣ ва мушакҳои болистикии Эрон ва низ нигарониҳо дар бораи фаъолиятҳои минтақаии ин кишварро дар бар гирад.

Макрон ҳамчунин, бар идомаи ҳимояти Фаронса аз талошҳои мақомоти Лубнон барои тақвияти ҳокимияти давлат ва ҳифзи субот ва тамомияти арзии ин кишвар таъкид кардааст.

Dialog.tj