Шаҳбоз Шариф, нахуствазири Покистон, эълом кардааст, ки матни ниҳоии тафоҳум миёни Иёлоти Муттаҳида ва Эрон мавриди мувофиқати ду тараф қарор гирифта ва қадамҳои баъдии ин раванд дар ҳоли ниҳоӣ шудан аст.

Шаҳбоз Шариф рӯзи ҷумъа, 12-уми июн, гуфтааст, ки “матни ниҳоӣ ва мавриди мувофиқати” ин тафоҳумнома ба даст омада ва тарафҳо акнун рӯйи марҳилаи баъдӣ кор мекунанд.

Дар ҳамин ҳол, Аббос Ироқчӣ, вазири корҳои хориҷаи Эрон, гуфтааст, ки имзои тафоҳумнома миёни Теҳрон ва Вашингтон “беш аз ҳар вақти дигар наздиктар” шудааст.

Ӯ аз расонаҳо хостааст, ки дар бораи муҳтавои ин тавофуқ гумонзанӣ накунанд.

Доналд Трамп, раиси ‌ҷумҳури Амрико, низ пештар пас аз нашри гузоришҳое дар расонаҳои эронӣ дар бораи ҷузъиёти тавофуқи дар ҳоли музокира, аз Эрон интиқод карда буд.

Ин изҳорот дар ҳоле матраҳ мешавад, ки гузоришҳо аз пешрафти музокирот миёни Амрико ва Эрон барои дастёбӣ ба як тавофуқи ҷадид хабар медиҳанд ва ду тараф дар талош барои ниҳоӣ кардани ҷузъиёти он ҳастанд.

Dialog.tj