РУС ТОҶ
3 Ноябр 2026,
сешанбе, 14:14, Душанбе
Диалог. Тоҷикистон ва ҷаҳон
РУС ТОҶ
Шарқи Наздик
11.06.2026 11:11

Даргириҳои тоза дар Халиҷи Форс: Эрон аз баста шудани комили тангаи Ҳурмуз хабар дод

Расонаҳои эронӣ гузориш додаанд, ки дар пайи даргириҳои охир байни Эрон ва Амрико дар Халиҷи Форс, тангаи Ҳурмуз ба таври комил баста шудааст.

Хабаргузории “Форс”, рӯзи панҷшанбе, 11-уми июн, гузориш додааст, ки ин мавзуъ аз сӯйи Қароргоҳи марказии Хотам-ул-анбиё эълом шудааст.

Бар асоси гузориш, Қароргоҳи марказии Хотам-ул-анбиё, маркази фармондеҳии кулли неруҳои мусаллаҳи Эрон, эълом кардааст, ки ба далели ноамнӣ дар минтақа, тангаи Ҳурмуз барои ҳаракати ҳар гуна киштӣ баста аст.

Фармондеҳии марказии неруҳои эронӣ ҳушдор додааст, ки ҳар гуна ҳаракат дар тангаи Ҳурмуз, новобаста аз тиҷоратӣ ё нафткаш буданаш, ҳадаф қарор хоҳад гирифт.

Дар гузоришҳои расонаҳои эронӣ, сабаби эъломи баста шудани тангаи Ҳурмуз оғози ҳамлаҳои неруҳои амрикоӣ ба баъзе минтақаҳо дар вилояти Ҳурмузгони Эрон унвон шудааст.

Дар чанд рӯзи охир, неруҳои амрикоӣ, ки дар минтақа мустақар ҳастанд, ва Сипоҳи Посдорони Эрон ҳамлаҳои мутақобил ба ҳам анҷом додаанд.

Шаби гузашта, Маркази фармондеҳии артиши Амрико (СЕНТКОМ) эълом кардааст, ки ба ҳадафҳое дар ҷануби Эрон ҳамла кардааст.

Эрон низ аз ҳамлаҳои мутақобил ба пойгоҳҳои Амрико дар кишварҳои соҳили ҷанубии Халиҷи Форс хабар додааст.

Ин дар ҳолест, ки Эрон ва Амрико бо миёнаравии Покистон барои расидан ба созиш барои хотима додан ба ҷанг музокира доранд.

Dialog.tj

Хатти хабарҳо

Эрон
03.11.2026 13:57

Артиши Эрон ҳушдор дод: агар Амрико ҳамла кунад, посухи Эрон аз Ғарби Осиё фаротар меравад

Муҳаммад Акраминиё, сухангӯи артиши Ҷумҳурии Исломии Эрон гуфт, дар сурати ҳамлаи дубораи Иёлоти Муттаҳидаи Амрико Эрон бо вокуниши фаврӣ, шадидтар ва густурдатар аз гузашта посух хоҳад дод.
Молия
03.11.2026 13:49

Сафири Тоҷикистон хостори густариши сармоягузории Покистон дар Тоҷикистон шуд

Шарифзода Юсуф Тоир, Сафири Тоҷикистон дар Покистон дар суҳбат бо расонаҳои покистонӣ хостори тақвияти ҳамкориҳои иқтисодӣ, густариши тиҷорати дуҷониба ва афзоиши сармоягузорӣ дар миёни Тоҷикистон ва Покистон шудааст.
Сиёсати хориҷӣ
03.11.2026 13:12

Тоҷикистон бо Лаос дар бораи ҳамкориҳои дуҷониба гуфтугӯ кард

Рӯзи 2-юми ноябр намояндагони Вазорати корҳои хориҷии Ҷумҳурии Тоҷикистон ва Ҷумҳурии халқӣ-демократии Лаос дар шаҳри Вентян масъалаҳои таҳкими муколамаи байниҳукуматӣ, рушди робитаҳои тиҷоративу иқтисодӣ ва ҳамкориҳои фарҳангиро баррасӣ намуданд.
Нақлиёт
02.11.2026 13:26

Зиёда аз 54 километр. Сохтмони роҳи автомобилгарди «Балҷувон – Сари Хосор» оғоз мегардад

Миёни Вазорати нақлиёти Ҷумҳурии Тоҷикистон ваширкати «Нанҷинг Коммуникейшн Инҷиниринг Компани Лимитед» оид ба сохтмони роҳи автомобилгарди «Балҷувон – Сари Хосор» қарордод ба имзо расид.
Вилояти Суғд
02.11.2026 11:24

Корхонаи коркарди меваю сабзавот, нӯшокиҳои ташнагишикан ва афшураҳои мева мавриди баҳрабардорӣ қарор дода шуд

1-уми ноябр Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Бобоҷон Ғафуров корхонаи коркарди меваю сабзавот, истеҳсоли нӯшокиҳои ташнагишикан ва афшураҳои мевагии ҷамъияти дорои масъулияти маҳдуди Сирдарёро ба истифода доданд.
Вилояти Суғд
02.11.2026 10:43

Сарвари давлат бинои Ҳизби Халқии Демократии Тоҷикистон дар вилояти Суғдро ифтитоҳ намуданд

1-уми ноябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар кӯчаи Камоли Хуҷандии шаҳри Хуҷанд бинои кумитаи иҷроияи Ҳизби Халқии Демократии Тоҷикистон дар вилояти Суғд ва шаҳри Хуҷандро ифтитоҳ намуданд.
Маъориф
02.11.2026 10:25

Даври чоруми бақайдгирии довталабон оғоз шуд. Киҳо метавонанд донишҷӯ бишаванд?

Имрӯз, 2-юми ноябр даври чоруми бақайдгирии довталабон барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) оғоз гардид.