Расонаҳои байналмилалӣ гузориш додаанд, ки як мард дар шаҳри Маскатини иёлати Айоваи Амрико шаш узви хонаводаашро кушта, пас аз он худкушӣ кардааст.

"Рейтерз" шаби сешанбе, 2-уми июн гузориш додааст, таҳқиқоти ибтидоии полис нишон медиҳад, ки ин рӯйдод дар пайи як ихтилофи оилавӣ рух додааст.

Мақомоти полис гуфтаанд, ки чор нафари қурбонӣ дар як хона ва ду нафари дигар дар ҷойҳои ҷудогона ҳадафи тирборон қарор гирифтаанд.

Ба гуфтаи полис, гумонбар Райан Уиллис Макфарланди 52-сола, буд, ки пас аз шиносоӣ аз ҷониби неруҳои амниятӣ, ба ҳаёти худ поён додааст.

Мақомоти маҳаллӣ афзудаанд, ки ҳамаи қурбониён аз аъзои хонаводаи қотил буданд, аммо шахсияташон то ҳол эълон нашудааст.

Бар асоси гузориш, дастикам ду нафари қурбонӣ кӯдак буданд.

Ин дар ҳолест, ки рӯйдодҳои тирборонии марговар ҳамчунон аз мушкилоти ҷиддии амниятӣ дар ИМА маҳсуб мешаванд.

Dialog.TJ