"Ню-Йорк Таймс" имрӯз, 1-уми июн ваъдаҳои пешазинтихоботии Доналд Трамп, раиси ҷумҳури Амрикоро ба таҳлил кашида, навишт: "Доналд Трамп, раиси ҷумҳури Иёлоти Муттаҳидаи Амрико, ки бо ваъдаи поён додан ба ҷангҳо ва ҳалли сареъи буҳронҳои байналмилалӣ ба Кохи Сафед бозгашт, акнун дар баробари воқеияти печидаи сиёсати ҷаҳонӣ бо маҷмуае аз бунбастҳои дипломатӣ ва амниятӣ рӯбарӯ шудааст. Ӯ дар мусоҳибае, бо вуҷуди иддаоҳои гуногун дар бораи нобудии артиши Эрон, гуфт, Амрико набояд алайҳи Эрон ҷанг ба роҳ меандохт".

Дар гузориш ҳамчунин, гуфта мешавад, ки давлати Трамп дар чандин буҳрони байналмилалии ҳамзамон, аз Эрон гирифта то Украина ва Ғазза, бо бунбастҳои сиёсӣ ва дипломатӣ рӯбарӯ шудааст:  "Ваъдаҳои Трамп барои поён бахшидани сареъи низоъҳои ҷаҳонӣ ва бозгардондани қудрати боздорандагии Амрико акнун бо воқеиятҳои печидаи геополитикӣ бархӯрд карда, натиҷаҳои мавриди интизорро ба ҳамроҳ надоштааст".

Dialog.tj