Александр Дугин, файласуф ва назарияпардози рус, дар гуфтугӯ бо расонаи “ИРНА”-и Эрон бо ишора ба муқовимат ва истодагии миллат ва низоми Ҷумҳурии Исломии Эрон дар баробари 13 рӯзи ҳамлаи низомии Амрико ва Исроил гуфтааст: “Аз тавоноии мардум ва давлати Эрон дар дифоъ аз ҳокимияти худ шигифтзада шудам”.

Ӯ ҳамчунин, дар ин гуфтугӯ  таҷовузи низомии Амрико ва Исроилро маҳкум карда, ҳамдардии амиқи худро ба мардуми Эрон, ба хотири террори раҳбари динӣ, мардуми одӣ, кӯдакон, мақомҳои сиёсӣ, низомӣ ва илмӣ дар ин ҳамлаҳо баён кардааст.

“Қатли омми духтарони донишомӯзи мактаб дар Миноби Эрон дар ҳамлаҳои Амрико ва Исроил, иқдоми комилан бераҳмона, ғайриинсонӣ ва ҷинояти ҷангӣ буд, ки ҷуз аз тамаддуни “Эпштейн” бар намеомад.

Сарнавишти духтароне, ки дар мактабе дар шаҳри Миноб дар ҳамлаи низомӣ ҷон бохтанд, дили моро ба дард меорад ва сазовори шадидтарин маҳкумият аст.

 Дар чунин шароит мафҳумҳои “нур ва торикӣ” ва “хайр ва шар” дигар танҳо истиора нестанд. Ҷанге, ки акнун оғоз шудааст ва метавонад ба осонӣ ба ҷанги ҷаҳонии сеюм табдил шавад, бояд ба таври равшан интихоб кард, ки дар кадом тараф истодаем, яъне  мафҳуми бетарафӣ эҳтимолан давоми зиёде нахоҳад дошт” – афзуд Александр Дугин.

Dialog.tj