Ба гуфтаи ду манбаи огоҳ, ки бо Рейтерз гуфтугӯ кардаанд, ҳамла ба як мадрасаи духтарона дар Эронро, ки сабабгори шаҳодати даҳҳо кӯдак шуд, мумкин аст натиҷаи истифодаи Иёлоти Муттаҳида аз иттилооти ҳадафёбии куҳна донистаанд.

Ин манобеъ ҷузъиёти тозаро дар мавриди ончи ба унвони яке аз бадтарин мавридҳои талафоти ғайринизомиён дар даргирии Иёлоти Муттаҳида маҳсуб мешавад, ироа карданд.

Рейтерз аввалин бор гузориш дода буд, ки таҳқиқоти дохилии дар ҳоли анҷоми артиши Иёлоти Муттаҳида нишон медиҳад, ки неруҳои амрикоӣ ба эҳтимоли зиёд масъули ҳамла ба мадрасаи духтарона дар Миноб будаанд.

Видеое мунташир шудааст, ки ба гуфтаи коршиносон задани як мушаки Тамаҳоки амрикоӣ ба он минтақаро нишон медиҳад. Аммо чигунагии дақиқи ин фоҷиа ҳамчунон номушаххас боқӣ монда ва Пентагон аз изҳори назар худдорӣ карда ва эълом кардааст, ки таҳқиқот ҳамчунон идома дорад.

Dialog.tj