Исмоил Бақоӣ, сухангӯи Вазорати корҳои хориҷии Ҷумҳурии Исломии Эрон дар посух ба суоле дар бораи шартҳои Теҳрон барои поёни ҷанг гуфт: “Ин таҷовузи низомӣ интихоби мо набуд. Интихоби мо ҳамеша дипломатия буд. Бо вуҷуди интиқодҳои густурдае, ки дар дохил аз дастгоҳи дипломатия мешуд ва бахше аз он бар ҷой буд, зеро таҷрибаҳои пешин нишон медод, ки гоҳе вуруд ба музокира чолишбарангез аст, дастгоҳи дипломатия бо шуҷоат масири худро идома дод ва ҳокимият низ аз ин раванд ҳимоят кард. Мо то лаҳзаи охир талош кардем вориди раванди ҷанг нашавем, аммо тарафи муқобил тасмим ба ҷанг гирифт”.

Исмоил Бақоӣ афзуд: “Роҳи таваққуфи ин ҷанг, қатъи таҷовуз аст. Шурои Амнияти Созмони Милали Муттаҳид вазифадор аст иқдом кунад. Гарчанде таҷрибаи гузашта нишон додааст, ки дар баъзе мавридҳо амал накардааст, аммо дар шароити кунунӣ ҳеч монеае ҷуз иродаи ҷомеаи ҷаҳонӣ барои анҷоми иқдом вуҷуд надорад. Ҷомеаи ҷаҳонӣ бояд пеш аз он ки дер шавад ва ҷанг доманадор ва густарда гардад, тасмим бигирад, то Шурои Амният ба вазифаҳои худ амал карда ва бо водор сохтани тарафҳои мутаҷовиз ба қатъи таҷовуз, амният пардозад ва суботро ба минтақа бозгардонад”.

Dialog.tj