Сипоҳи посдорони Инқилоби Исломии Эрон дар эъломияи №2 хабар дод, ки маҳалли новагони панҷуми Неруҳои дарёии Артиши Амрико дар Баҳрайн ва дигар пойгоҳҳои низомии Амрико дар минтақа ҳадаф қарор гирифтанд.

Ба гузориши “Ирна”, дар эъломияи №2-и Сипоҳи посдорони Инқилоби Исломӣ пас аз оғози амалиёти “Ваъдаи содиқ 4” дар посух ба таҷовузи амрикоӣ-исроилӣ омадааст: “Сипоҳи посдорони Инқилоби Исломӣ бо эъломи оғози амалиёти “Ваъдаи содиқ 4” дар посух ба таҷовузи амрикоӣ-саҳюнистӣ ба хоки Эрон, мушакҳо ва ҳавопаймоҳои бесарнишини Сипоҳ мақарри новагони панҷуми Неруҳои дарёии Артиши Амрико дар Баҳрайн ва дигар пойгоҳҳои Амрико дар кишварҳои Қатар ва Амороти Муттаҳида ва ҳамчунин, марказҳои низомӣ ва амниятӣ дар қалби заминҳои ишғолшударо мавриди ҳадафи сахт қарор доданд”.

Дар идомаи ин эъломия омадааст: “Бархӯрд бо таҷовузи артиши ҷинояткори Амрико ва режими кӯдаккушони саҳюнистӣ бо ёрии Худо бо анҷоми марҳилаи аввалини амалиёти “Ваъдаи содиқ 4”, бо ҳамлаҳои фарогири Қувваҳои Мусаллаҳи Ҷумҳурии Исломии Эрон ба ҳадафҳои минтақавии душмани таҷовузкор оғоз ёфт”.

Дар идомаи ин эъломия омадааст: “Ҳамлаҳои мушакӣ ва ҳавопаймоии Қувваҳои Мусаллаҳи Ҷумҳурии Исломии Эрон идома доранд ва маълумоти иловагӣ баъдан эълон хоҳад шуд”.

Dialog.tj