Сергей Лавров, вазири корҳои хориҷаи Русия аз Покистон ва гурӯҳи террористии Толибон хостааст, то фавран ҳамлаҳо алайҳи якдигарро мутаваққиф карда ва ихтилофҳои худро аз тариқи музокира ҳаллу фасл кунанд.

Лавров рӯзи ҷумъа, 27-уми феврал гуфта, ки Маскав дар сурати дархости расмии ду кишвар, омода аст нақши миёнҷиро ифо кунад.

Покистон дар вокуниш ба ончи “иқдомоти бедалели Толибон дар имтидоди марз” хонда, амалиёте бо номи “Ғазаб-ул-ҳақ”-ро оғоз карда буд.

Дар ҷараёни ин амалиёт, неруҳои ҳавоии Покистон таъсисоти низомии Толибонро дар Нангарҳор, Кобул, Қандаҳор ва Пактиё ҳадаф қарор дода ва бар асоси гузоришҳо, даҳҳо узви Толибон кушта шудаанд.

Толибон низ эълом кардаанд, ки ба ин ҳамлаҳо посухи муқобил додаанд.

Dialog.tj