РУС ТОҶ
20 Сентябр 2026,
якшанбе, 20:55, Душанбе
Диалог. Тоҷикистон ва ҷаҳон
РУС ТОҶ
Матолиби ҷолиб дар ВАО
05.02.2026 10:01

Амрико бо ҳамкории президенти муваққати Венесуэла яке аз муттаҳидони наздики Мадуроро боздошт кард

Мақомҳои амрикоӣ эълон карданд, ки дар амалиёти муштарак бо масъулони Венесуэла Алекс Сааб, муттаҳиди наздики Николас Мадуро, раисиҷумҳури рабудашудаи ин кишварро боздошт карданд.

Ба гузориши Рейтерз, як мақоми амрикоӣ рӯзи чаҳоршанбе ҳамкории Делси Родригес, раисиҷумҳури муваққати Венесуэла, дар ин амалиёти муштаракро муҳим арзёбӣ кард.

Ба гузориши Рейтерз дар ин амалиёти муштарак Паул Горин, раиси шабакаи телевизионии “Globovision”-и Венесуэла низ боздошт шуд.

Алекс Сааб, 54-сола буда, тоҷири собиқи колумбиягӣ-венесуэлаӣ аст, ки соли 2020 низ дар “Кейп-Верде” боздошт шуда буд ва ба иттиҳоми дарёфти ришва беш аз се сол дар Амрико зиндонӣ буд.

Як мақоми амрикоӣ гуфт, ки интизор меравад Сааб дар рӯзҳои оянда ба Амрико интиқол дода шавад.

Ба дунболи ҳамлаҳои бомдоди 3-юми январи соли 2026-и неруҳои амрикоӣ ба хоки Венесуэла, Доналд Трамп, раисиҷумҳури Амрико, аз рабудани Николас Мадуро ва ҳамсараш ва интиқоли онҳо ба Иёлоти Муттаҳида хабар дод.

Девони олии Қонуни асосии Венесуэла сипас ҳукм дод, ки Делси Родригес раёсати муваққати Венесуэларо бар уҳда бигирад.

Dialog.tj

Хатти хабарҳо

Матолиби ҷолиб дар ВАО
19.09.2026 16:06

“Телеграф”: Эрон метавонад Амрикоро аз Ховари Миёна берун кунад

Дар як мақолаи таҳлилӣ дар рӯзномаи “Телеграф” гуфта мешавад, ки ҳамлаҳои густурдаи Эрон ба пойгоҳҳои Амрико дар Ховари Миёна метавонад ҳузури низомии Амрико дар ин минтақаро зери суол барад. Муаллифи мақолаи таҳлилӣ мегӯяд, Эрон бо ин роҳ метавонад Амрикоро аз минтақаи Ховари Миёна берун кунад.
Тоҷикистон-Чин
19.09.2026 15:14

Намояндагони Осиёи Марказӣ дар Синин: шиносоӣ бо Чини муосир аз тариқи «Насли Z»

Дар шаҳри Синини музофоти Синхайи Чин барномаи табодулию омӯзишии «Насли Z»-и кишварҳои Осиёи Марказӣ оғоз шуд. Дар он беш аз 40 намояндаи расонаҳо ва ҷавонони кишварҳои минтақа иштирок доранд.
Матолиби ҷолиб дар ВАО
19.09.2026 12:05

Вазирони кишварҳои Шанхай дар Душанбе дар бораи интиқоли молу коло ва густариши тиҷорат гуфтугӯ карданд

Вазирони иқтисод ва савдои кишварҳои узви Созмони ҳамкории Шанхай рӯзи 17-уми сентябр дар ҷаласаи 25-уми созмони мазкур роҳҳои густариши тиҷорат, сода кардани расмиёти гумрукӣ ва таҳким додани роҳҳои интиқоли молу колоро мавриди баррасӣ қарор доданд.
Футбол
19.09.2026 08:21

“Бозиҳо душвор хоҳанд шуд”. Ҳайати мунтахаби Тоҷикистон барои бозиҳои дӯстона эълон шуд

Бинобар иттилои Федератсияи футболи Тоҷикистон, ситоди мураббиёни мунтахаби Тоҷикистон бо роҳбарии Игор Ангеловский ҳайати дастаро барои бозиҳои дӯстонаи моҳҳои сентябр ва октябр эълон кард.
Ҷомеа
18.09.2026 18:38

Ду кӯдак бо дастони баста дар ғори Муъминобод пайдо шуданд

Сокинони як деҳа дар ноҳияи Муъминобод дар нисфи шаб бо як саҳнаи такондиҳанда рӯ ба рӯ шуданд. Онҳо ду кӯдаки хурдсолро бо дастони баста, дар як ғор, дар зери буттаҳо пайдо намуданд. Ин ду кӯдак иқрор намуданд, ки онҳоро дуздида, бо дастони баста дар ин ғор ҷо додаанд.
Таҳлили "Диалог"
18.09.2026 18:29

“Санксияҳои амрикоӣ дар мекӯбанд?” Амрико аз кишварҳои Осиёи Марказӣ хост роҳи тиҷорат бо Эронро маҳдуд кунанд

Хабаргузории “Меҳр”-и Эрон бо такя ба манобеи иттилоотӣ навишт, ки мақомоти амрикоӣ дар тозатарин ҳаракати дипломатӣ аз кишварҳои Осиёи Марказӣ хостаанд, ки роҳи тиҷорат бо Эронро бибанданд. Ин хабаргузорӣ дар пасманзари ин пешниҳоди Амрико навишт: “Роҳи оҳан, шоҳроҳ, бандар, қубури газ ва масири транзитӣ дар як шаб бунёд намешавад. Барои ҳамин, агар Эрон барои минтақа фақат як бозори нисбатан хурд мебуд, ҷудо шудан аз он осонтар менамуд. Вақте сухан аз роҳи дастрасӣ ба баҳр ва бозорҳои ҷанубӣ меравад, масъала хеле мураккабтар мешавад”.
Нақлиёт
18.09.2026 14:04

Ба ҷои метро дар Душанбе роҳи оҳани шаҳрӣ. Тоҷикистон аз ширкатҳои кореягӣ хост дар ин тарҳ сармоягузорӣ кунанд

Вазири нақлиёти Ҷумҳурии Тоҷикистон аз ширкатҳои Кореяи Ҷанубӣ даъват намуд, ки дар бунёди роҳи оҳани шаҳрии Душанбе, ки арзиши он беш аз як миллиард доллар аст, ширкат ва сармоягузорӣ кунанд.