Қоидаҳои нави сабти ном барои муҳоҷирон дар Қазоқистон, ки бо фармони Вазири корҳои дохилии Қазоқистон тасдиқ шудаанд, мавриди амал қарор мегиранд.

Бар асоси қоидаҳои нав, муҳоҷироне, ки ба Қазоқистон ворид мешаванд, ба онҳо қоидаи будубоши 90 – рӯза муқаррар шудааст ва бояд дар идораи корҳои дохилии Қазоқистон на дертар аз 30 рӯзи тақвимӣ аз рӯзи убур аз марзи давлатӣ сабти ном шаванд.

Барои сабти ном дар Шуъбаи корҳои дохила муҳоҷир бояд иттилооти зеринро дар системаи иттилооти Вазорати корҳои дохилӣ ворид кунад:  номи пурра, санаи таваллуд, маълумоти шиноснома, маълумоти шахсе, ки ҷойи иқомат медиҳад ва суғуртаи муваққатии иқомат.

Баъди ворид кардани маълумоти ҷойи иқомати шахс бо огоҳинома дар барономаи мобилӣ дар бораи сабти номи муҳоҷир огоҳ карда мешавад ва розӣ будан ё рад кардани сабти ном дар он ҷойи иқоматро тасдиқ мекунад.

Баъди тасдиқи сабти ном дар ҷойи иқомат дар кабинети шахсии муҳоҷир дар ИС МП шаҳодатномаи сабти ном ташаккул меёбад. Сабти ном барои муҳоҷирон дар Қазоқистон дар ҷойҳои зист, манзилҳо, квартираҳо, хобгоҳҳо, меҳмонхонаҳо, хонаҳои истироҳатӣ, осоишгоҳҳо ва ҳамчунин, дар бино ва ҷойҳои истифодашаванда барои зиндагии мардум амалӣ мешавад.

Dialog.tj