Расонаҳои урдунӣ хабар доданд, ки Башор Асад, Президенти барканоршудаи Сурия дар шаҳри Маскав бо роҳи заҳролудкунӣ мавриди террор қарор гирифтааст.

Тибқи иттилоъ, Башор Асад ба воситаи ғизо мавриди заҳролудшавӣ қарор гирифта ва табибон ҷони ӯро наҷот додаанд.

Дидбони маъруф ба “Ҳуқуқи башари Сурия” гуфт, ки Президенти барканоршудаи Сурия дар шаҳри Маскав, пойтахти Русия, ба воситаи заҳролудшавии ғизоӣ мавриди сӯйиқасд қарор гирифтааст.

Раиси ин ниҳоди сурӣ  дар шабакаи иҷтимоии “Х” паёме нашр кард ва дар он навишт, ки “Башор Асад рӯзи душанбеи гузашта аз бемористоне дар атрофи Маскав мураххас шуда ва вазъияти саломатии ӯ ҳоло хуб мебошад”.

Ин дидбон бо такя ба гуфтаи як сарчашмаи маҳрамона илова намуд, “гурӯҳе, ки ин амалро анҷом додааст, ният дорад, ки давлати Русияро дар тангно қарор диҳад ва онро ба террори Башор Асад муттаҳам кунад”.

Тибқи навиштаи расонаҳо, дар тӯли муддати бистарӣ шудани Башор Асад дар бемористон фақат ду нафар иҷозати мулоқоти ӯро доштаанд. Бародараш Моҳир Асад ва Мансур Аъзам, Дабири кулли собиқи умури раёсати Президенти Сурия.

Dialog.tj