Исмоил Бақоӣ, сухангӯи Вазорати корҳои хориҷии Ҷумҳурии Исломии Эрон бо такя ба гузориши Созмони Милали Муттаҳид дар хусуси наслкушии Исроил дар Ғазза гуфт: “Дигар ба наслкушии Исроил ҳич шакку шубҳа накунед”.

Сухангӯи Вазорати корҳои хориҷии Ҷумҳурии Исломии Эрон дар пасманзари нашри гузориши Комиссияи Шурои ҳуқуқи башари Созмони Милали Муттаҳид, ки амалиёти наслкушии Исроил дар Ғаззаро наслкушӣ номида буд, дар шабакаи иҷтимоии “Х” навишт: “Дар аввали сентябри имсол Дэвид Лэмми, Вазири хориҷаи вақти Англия дар номае ба раиси Кумитаи байналмилалии парлумони ин кишвар исрор намуд, ки Исроил муртакиби наслкушӣ нашудааст”.

Исмоил Бақоӣ дар идома навишт, дар ин нома Вазири корҳои хориҷии вақти Англия шарҳ медод, ки мутобиқи Конвенсияи наслкушӣ, ҷинояти наслкушӣ фақат дар замоне рӯй медиҳад, ки “қасди хоси нобудии куллӣ ё ҷузъии як гурӯҳи миллӣ, қавмӣ, нажодӣ ё мазҳабӣ” вуҷуд дошта бошад ва кишвар ба ин натиҷа нарасидааст, ки Исроил бо чунин нияте амал кунад”.

Исмоил Бақоӣ бо ишора ба ин мавқеи Вазири корҳои хориҷии Англия гуфт, акнун комиссияи мустақили ҳуқуқи башари Созмони Милали Муттаҳид оид ба ҷиноятҳои содиршуда дар Фаластини ишғолӣ, таҳти раёсати ҳуқуқдони маъруф хонум Нави Пилай, ҳич шакке дар бораи моҳияти ҷиноятҳо ва ваҳшониятҳои идомаёбанда дар Ғазза боқӣ намегузорад. Ин комиссия дар шакли як таҳлили ҳуқуқии 72 саҳифагӣ, бар асоси воқеиятҳо ва омор мушаххас кардааст, ки Исроил дар Ғазза даст ба наслкушӣ задааст.

“Комиссия ба чунин натиҷа расид, ки мақомоти расмӣ ва неруҳои амниятии Исроил қасду нияти наслкушӣ бо мақсади маҳви куллӣ ё ҷузъии фаластиниён дар Навори Ғаззаро дошта ва то ҳол доранд” – таъкид кард Исмоил Бақоӣ.

Dialog.tj