Расонаҳои русӣ хабар медиҳанд, ки Владимир Путин, Президенти Федератсияи Русия то чанд рӯзи дигар бо Доналд Трамп, Президенти Иёлоти Муттаҳидаи Амрико мулоқот хоҳад кард.

Хабаргузории ТАСС рӯзи панҷшаанбе, 7-уми август ба нақл аз Юрий Ушаков, мушовири Кремл хабар дод, ки Владимир Путин ва Доналд Трамп барои багузор намудани мулоқот ба созиш расидаанд.

Ҳамчунин, Юрий Ушаков илова кардааст, ки макони мулоқоти роҳбарони ду кишвар мушаххас нашудааст ва ба зудӣ эълон хоҳад шуд.

Дар ҳамин ҳол расонаҳо хабар доданд, Владимир Путин, Президенти Федератсияи Русия гуфтааст, ки Амороти Муттаҳидаи Арабӣ метавонад ҷойи муносиб барои мулоқот бошад.

Ин дар ҳолест, ки рӯзи гузашта Президенти Амрико Доналд Трамп хостори гуфтугӯи мустақим бо Путин шуда буд.

Эҳтимоли мулоқоти ду президент баъди дидори Стив Уиткофф, намояндаи хоси Трамп дар умури Ховари Миёна матраҳ мешавад.

Ҷузъиёти гуфтугӯи Донолд Трамп ва Владимир Путин фош нашудааст. Эҳтимол меравад, ки дар ин дидор ду президент дар бораи ҷанги Украина гуфтугӯ кунанд, зеро Доналд Трамп баъди ба сари қудрат омадан ҳамеша таъкид кардааст, ки ҷанг дар Украинаро хотима медиҳад. Доналд Трамп ҳушдор додааст, ки дар сурати идомаи ҳамлаҳои Русия ба Украина Маскав ва шарикони тиҷоратии он таҳрим хоҳанд шуд.

Dialog.tj