РУС ТОҶ
30 Апрел 2025,
чоршанбе, 22:06, Душанбе
Диалог. Тоҷикистон ва ҷаҳон
РУС ТОҶ
Афғонистон
17.03.2025 15:19

Нашри акси мушовири Трамп, ки дар дасташ китоби Аҳмад Масъуд буд, хабарсоз шуд

Майкл Флинн, мушовири пешини амнияти миллии Доналд Трамп аксе аз мулоқоти худ бо Кэш Пател, раиси Бюрои таҳқиқи федералии Амрико (FBI) дар шабакаи иҷтимоии “Х” нашр кард, ки дар он китоби “Озодии мо”-и навиштаи Аҳмад Масъудро дар даст дорад. Майкл Флинн мулоқот бо Кэш Пателро “рӯзи олӣ” тавсиф кардааст.

Китоби “Озодии мо” аз сӯйи Аҳмад Масъуд, раҳбари Ҷабҳаи муқовимати миллии Афғонистон навишта шуда ва дар он муборизаи мардуми Афғонистон барои озодии сарзаминашон тасвир мешавад.  Аҳмад Масъуд дар китоб дидгоҳҳои худро дар бораи озодӣ, демократия, ҳуқуқи инсон ва зарурати мубориза бо неруҳои истибдодӣ ва террористӣ баён кардааст.

Ёдовар мешавем, Майкл Флинн, як афсари бознишастаи артиши Иёлоти Муттаҳидаи Амрико мебошад, ки дар давраи аввали президентии Доналд Трамп ба ҳайси мушовири амнияти миллӣ таъйин шуда буд. Баъди 22 рӯзи фаъолият дар ин мақом Майкл Флинн истеъфо дод. Майкл Флинн яке аз ҷонибдорони ашадии Доналд Трамп дар интихоботи соли 2016 буд, вале бинобар ошкор шудани тамосҳояш бо Сергей Кисляк, сафири Русия дар Вашингтон ва пешниҳоди “иттилооти нодуруст” ба Майк Пенс, муовини президент маҷбур ба истеъфо шуд.

Ҷабҳаи муқовимати миллии Афғонистон баъди ба қудрат расидани гурӯҳи террористии Толибон ҷанг дар минтақаи Панҷшерро оғоз кард. Раҳбари он Аҳмад Масъуд, фарзанди фармондеҳи машҳури Афғонистон Аҳмадшоҳ Масъуд аст.

Dialog.tj

Хатти хабарҳо

Тоҷикистон-Эрон
30.04.2025 18:27

Дар Душанбе маросими ёдбуди қурбониёни таркиши бандари Раҷоии Эрон баргузор шуд

Имрӯз, дар сафорати Ҷумҳурии Исломии Эрон дар шаҳри Душанбе барои ҳодисаи таркиши бандари Раҷоии Эрон, ки боиси оташсӯзии густурда ва куштаву захмӣ шудани даҳҳо нафар гардид, дафтари ёдбуд баргузор шуд.
Тандурустӣ
30.04.2025 18:20

Хулосаи донишмандони Австралия: Ваксинаи КОВИД -19 чандон зарар надорад

Таҳқиқоти донишмандони Донишгоҳи Мердоки Австралия нишон дод, ки ваксинаҳои КОВИД – 19 тағйироти ҷиддии мубодилаи моддаҳоро ба вуҷуд намеоранд ва нигарониҳоро дар хусуси таъсири дарозмуддати эҳтимолӣ коҳиш медиҳанд.
Тоҷикистон-Эрон
30.04.2025 18:10

Раиси вилояти Форс ба Шералӣ Кабир: “Хатсайри ҳавоии “Наврӯз эрлайн” роҳандозӣ шавад”

Дар мулоқоти Вазири саноат ва технологияҳои нави Ҷумҳурии Тоҷикистон бо раиси вилояти Форси Ҷумҳурии Исломии Эрон Ҳусайналӣ Амиралӣ масъалаи ба роҳ мондани хатсайри “Наврӯз эрлайн” матраҳ шуд.
Тақвим ва эълон
30.04.2025 18:05

Дар Душанбе Фестивали байналмилалии театрҳои касбӣ «Наврӯз» доир мегардад

Бинобар иттилои Вазорати фарҳанги Ҷумҳурии Тоҷикистон 2-юми май дар Театри давлатии академии опера ва балети ба номи Садриддин Айнӣ Фестивали байналмилалии театрҳои касбӣ «Наврӯз» оғоз мегардад.
Афғонистон
30.04.2025 09:39

Як духтар дар Ғӯри Афғонистон барои издивоҷ накардан бо Толиб худкушӣ кард

Расонаҳои афғонистонӣ гузориш доданд, ки Обида ном як духтар дар вилояти Ғӯри Афғонистон барои раҳоӣ аз издивоҷ бо як Толиб худкушӣ кардааст. Ба гуфтаи манобеъ, ин ҳодиса рӯзи якшанбе рӯй додааст. Духтар ҳангоме, ки Толибон мехостанд ӯро бо зӯр баранд, ба зиндагии худ поён додааст.
Тандурустӣ
30.04.2025 09:16

Табибони Саудӣ дар Тоҷикистон 65 амали ҷарроҳии дили ройгон анҷом медиҳанд

Як гурӯҳи табибон аз Арабистони Саудӣ барои анҷом додани лоиҳаи башардӯстона дар соҳаи ҷарроҳӣ ва катетеризатсияи дил ба шаҳри Душанбе омада, ҷарроҳии дилро барои калонсолон анҷом медиҳанд.
Макроиқтисод
30.04.2025 09:04

Завқӣ Завқизода: “Гардиши савдои хориҷии Тоҷикистон 13 фоиз афзоиш ёфтааст”

Вазири рушди иқтисод ва савдои Ҷумҳурии Тоҷикистон Завқӣ Завқизода 28-уми апрел ҳамроҳи ҳайати Ҳукумат дар нахустин форуми Созмони ҳамкориҳои иқтисодӣ оид ба рушди устувор, ки дар шаҳри Ашқободи Туркманистон баргузор гардид, ширкат намуд. Дар ин хусус, Вазорати рушди иқтисод ва савдои Ҷумҳурии Тоҷикистон хабар медиҳад.
Осиёи Марказӣ
29.04.2025 16:53

Баҳси мубориза бо мушкилиҳои минтақавӣ дар суҳбати вазирони Осиёи Марказӣ бо Чин

Нишасти вазирони корҳои хориҷии кишварҳои Осиёи Марказӣ ва Чин дар шаҳри Алмаато, пойтахти Қазоқистон бо ҳадафи тақвияти гуфтугӯҳои сиёсӣ, рушди ҳамкориҳои иқтисодӣ ва мутақобила бо чолишҳои минтақавӣ баргузор гардид.