Коршиноси амрикоӣ дар нашрияи “Атлантик” бо чопи мақолае таъкид кардааст, ки агар ҳимоятҳои сиёсиву низомии Амрико қатъ шавад, Украина дар муддати 12 то 18 моҳ дар ҷанг бо Русия шикаст хоҳад хӯрд.

Роберт Каган, таҳлилгари сиёсии амрикоӣ шарҳ додааст, ки Киев бидуни кумакҳои низомии Вашингтон аз Маскав шикаст мехӯрад. Ба гуфти ӯ шикасти Киев шикасти Амрико хоҳад буд.

Коршиноси амрикоӣ бовар дорад, ки Украина бо як шикасти комил ва ҳамчунин, аз даст додани ҳокимият рӯ ба рӯ мешавад, ки ин метавонад як мушкили бузург барои ҳукумати Доналд Трамп бошад.

“Ҷей Девид Венс, муовини Доналд Трамп пештар гуфта буд, ки барои ӯ муҳим нест, ки чӣ ҳодиса барои Украина рух медиҳад. Бинобар ин, агар ба зудӣ кумаки ҷадиде аз сӯйи Иёлоти Муттаҳидаи Амрико сурат нагирад, Украина суқут хоҳад кард”- таъкид кардааст коршиноси амрикоӣ.

Роберт Каган афзудааст, ки Амрико ё омодаи шикасти стратегӣ ва таҳқиромез дар саҳнаи ҷаҳонӣ бошад ва ё бо ду баробар кардани кумакҳои амрикоӣ аз Киев то вақте ки лозим аст, ҳимоят кунад. Ин ду интихоб дар пешорӯи ҳукумати Доналд Трамп қарор дорад.

Dialog.tj