РУС ТОҶ
18 Июл 2025,
ҷумъа, 00:12, Душанбе
Диалог. Тоҷикистон ва ҷаҳон
РУС ТОҶ
Афғонистон
05.12.2024 11:49

Русия ба Афғонистон 30 тонна кумакҳои башардӯстона ирсол кард

Аз ҷониби ниҳодҳои кумакунандаи Русия 30 тонна маводи ғизоӣ ба шаҳри Кобул ирсол шуд.

Сафири Русия дар Кобул гуфт, бастаҳои кумакҳои башардӯстона, ки шомили 30 тонна маводи ғизоӣ аст, ба Кобул ирсол гардид. Дмитрий Жирнов, сафири Русия дар Кобул дар ин бора чунин афзуда: “Бастаи кумакҳои башадӯстона рӯзи 4-уми декабр бо супориши Владимир Путин, президенти Федератсияи Русия, ба воситаи ҳавопаймои Вазорати ҳолатҳои фавқулодаи кишвар ирсол шуд”.

Бояд гуфт, ки бастаҳои кумакҳои башардӯстона аз тарафи созмони хайриявии “Волгоград” барои пайванди фарҳангҳо зери унвони “Хонаи дӯстӣ” ҷамъоварӣ шудааст.

Сафир ҳамчунин, таъкид кард, ин ҳафтумин ҳавопаймои кумакҳои башардӯстона аст, ки аз тарафи созмони мазкур ҷамъоварӣ ва ба Афғонистон ирсол мешавад: “Дар ду соли ахир беш аз 50 ҳазор ниёзманд, аз 14 вилояти Афғонистон кумакҳоро дарёфт кардаанд ва он дар чорчӯби маъмурияти “мардумон якҷо бо ҳам – дар тӯли сол” сурат гирифтааст.”

Dialog.tj

Хатти хабарҳо

Маъориф
17.07.2025 16:15

Давраи мутобиқшавӣ. Синфи якум чӣ гуна имсол ба мактаб меравад?

Тавре ки маркази матбуоти Вазорати маориф ва илми Ҷумҳурии Тоҷикистон хабар медиҳад, имсол хонандагони синфи якум аз 18-ум то 29-уми август ба мактабҳо ҷалб шуда, аз давраи мутобиқшавӣ мегузаранд.
Иқтисод
17.07.2025 15:38

Тоҷикистон ва Амороти Муттаҳидаи Арабӣ ҳамкориҳои иқтисодӣ ва сармоягузориро баррасӣ карданд

Завқизода Завқӣ, вазири рушди иқтисод ва савдои Ҷумҳурии Тоҷикистон рӯзи 16-уми июл бо Абдулло ибни Тавқ Ал-Маррӣ, вазири иқтисод ва сайёҳии Аморати Муттаҳидаи Араб мулоқот анҷом дод. Дар ин мулоқот, ки дар доираи густариши робитаҳои дуҷониба доир шуд, ҷонибҳо масоили рушди ҳамкориҳои иқтисодӣ ва ҷалби сармоягузорӣ миёни ду кишварро баррасӣ карданд.
Эрон
17.07.2025 13:41

Хоманаӣ: "Эрон аз Амрико наметарсад ва онро ба тарс водор кардааст"

Оятуллоҳ Хоманаӣ, роҳбари олии Эрон дар мулоқот бо раиси Суди олии Эрон ва масъулони аршади низоми судии ин кишвар доир ба ҷанги таҳмилии ахир ва ноком шудани ҳисобу нақшаҳои таҷовузкорон ба ваҳдати бузурги миллати Эрон ишора намуда, таъкид кард, ки вазифаи ҳамаи афрод ҳифзи ваҳдати миллӣ аст.
Вилояти Суғд
17.07.2025 11:47

Ифтитоҳи 84 корхонаи нав дар вилояти Суғд. 536 ҷойи нави корӣ таъсис ёфт

Ба истиқболи ҷашни 35-солагии Истиқлоли давлатии Ҷумҳурии Тоҷикистон дар вилояти Суғд дар шашмоҳаи аввали соли 2025 84 корхонаи нави истеҳсолӣ ба истифода дода шуд. Бар асоси иттилои мақомоти вилояти Суғд, бо фаъол гардидани ин корхона 536 ҷойи нави корӣ таъсис ёфтааст.
Шарқи Наздик
17.07.2025 10:55

Исроил Ситоди артиши Сурияро бомбаборон кард

Шаби гузашта Неруҳои ҳавоии Исроил яксилсила зарбаҳои ҳавоиро бо мақсадҳои мухталиф дар қаламрави Сурия, аз ҷумла ба бинои Ситоди генералии артиши Сурия дар маркази шаҳри Димишқ анҷом доданд. Тибқи иттилои расонаҳои исроиливу суриягӣ лаҳзаи як таркиш дар пахши мустақими телевизиони давлатии Сурия сабт шудааст. Таркиши шадид дар маркази пойтахти Сурия дар навор дида мешавад.
Сиёсати хориҷӣ
17.07.2025 09:24

Сироҷиддин Муҳриддин дар ҷаласаи Созмони ҳамкории Шанхай ширкат намуд

Рӯзҳои 14-15-уми июли соли 2025 Вазири корҳои хориҷии Ҷумҳурии Тоҷикистон Сироҷиддин Муҳриддин дар ҷаласаи Шурои вазирони корҳои хориҷии кишварҳои аъзои Созмони ҳамкории Шанхай, ки дар шаҳри Тянҷини Ҷумҳурии Мардумии Чин доир гардид, иштирок намуд. Дар ин бора хадамоти матбуоти Вазорати корҳои хориҷии Тоҷикистон хабар медиҳад.