Намояндагони Ассотсиатсияи соҳибкории хурду миёна (BVMW)-и Олмон барои кушодани намояндагии худ дар шаҳри Душанбе бо Тоҷикистон гуфтушунид анҷом додааст. Дар ин хусус, намояндаи Ассотсиатсия ба расонаҳо хабар додааст.

Ассотсиатсияи соҳибкории хурду миёнаи Олмон таъкид кардааст, ки феълан ин созмон дар 80 кишвари ҷаҳон намояндагӣ дорад: “Мо бо ҷонибҳо дар ин кишвар барои пайдо кардани намояндагии муносиб гуфтушунидҳои фаъол дорем ва умедворем, ки намояндагӣ ба зудӣ ифтитоҳ хоҳад шуд.”

Ассотсиатсияи соҳибкории хурду миёнаи Олмон қайд кардааст, ки онҳо дар Осиёи Миёна узв доранд ва бо чанд ширкати тоҷикистонӣ шартномаи тиҷоратӣ ба имзо расонидаанд: “Мо ҳатто як чорабинии онлайн оид ба пешбурди тиҷорат дар ин кишвар баргузор кардем, ки он ба имзои ёддошти тафоҳум бо ширкати “Тоҷинвест” марбут буд ва дар ин чорабинӣ чандин ширкатҳои узви Ассотсиатсия иштирок доштанд” – афзудааст, намояндаи ширкат.

Боя гуфт, ки Ассотсиатсияи соҳибкории хурду миёнаи Олмон дар Осиёи Миёна ҳамкорони зиёде дорад ва талош мекунад, ки коргарони соҳибихтисосро ба бозори меҳнати Олмон ҷалб кунад. Яке аз ширкатҳое, ки феълан дар Тоҷикистон барои ҷалби мутаххассисон кор мекунад, ширкати “Janser Consult” аст. Ширкати номбурда иттиҳоди байни соҳавӣ буда, аз соҳаҳои мухталиф ҳазорон аъзо дорад.

Dialog.tj