Дар Теҳрони Ҷумҳурии Исломии Эрон нахустин конфронси байналмилалии "Фарогирии тандурустии умумӣ бо барномаи саломатии оила ва системаи маълумотномаи электронӣ" баргузор гардид, Ки Дар он Вазири тандурустӣ Ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода иштирок намуд. ДАР ИН бора НИАТ "Ховар" бо истинод ба Вазорати тандурустӣ ва ҳифзи иҷтимоии Аҳолии Тоҷикистон хабар медиҳад.

Мақсади баргузории конфронс шиносоии давлатҳо бо барномаи саломатии оила ва системаи маълумотномаи электронӣ (Family Health Program: FHP), табодули таҷрибаи давлатҳо бо ҳамдигар, истифодаи назари техникӣ ва касбии мутахассисони пешбари ин соҳа номида шудааст.

Дар конфронс панҷ масъала муҳокима карда шуд: саломатии оила ва омезиши таълими тиббӣ ва системаи тандурустӣ; саломатии оила ва таҳкими шабакаи гигиенӣ ва саломатӣ; саломатии оила ва таблиғи системаи тандурустӣ; саломатии оила ва омилҳои иҷтимоӣ, ки ба саломатӣ таъсир мерасонанд; саломатии оила ва тандурустии электронӣ.

Дар доираи иштирок Дар конфронси сатҳи баланд Вазири тандурустӣ Ва ҳифзи иҷтимоии аҳолӣ Ҷамолиддин Абдуллозода Бо Вазири тандурустӣ ва омодагии тиббии Ҷумҳурии Исломии Эрон Баҳром Айнуллоҳӣро мулоқот кард.

Зимни мулоқот ҷонибҳо дар бораи ҳамкории ду давлати дӯсту бародар дар соҳаи тандурустӣ сӯҳбати созанда доир намуда, доир ба густариши ҳамкориҳои дуҷониба дар соҳаҳои гуногун, аз ҷумла табибони тоҷик дар ин кишвар дар самти ҷорӣ намудани усулҳои нави ташхис ва табобат, коркарди растаниҳои шифобахши ватанӣ ва дигар самтҳои мавриди таваҷҷӯҳи тарафайн мубодилаи афкор намуданд.

Бояд қайд кард, Ки Дар доираи сафари корӣ Ба Ҷумҳурии Исломии Эрон Вазири тандурустӣ Ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода бо якчанд муассисаҳои таълимию тиббии Эрон шинос шуда, бо роҳбарияти онҳо барои ҳамкорӣ байни муассисаҳои соҳавии ду давлат суҳбат намуд.

Манбаъ: НИАТ Ховар