Гузориши нави Вазорати корҳои хориҷии Амрико дар бораи қочоқи инсон нишон медиҳад, ки “бачабозӣ” ё истифодаи ҷинсӣ аз кӯдакон дар миёни аъзо ва ҷангҷӯёни гурӯҳи террористии Толибон идома дорад.

Ин гузориш рӯзи ҷумъа, 5-уми октябр, аз сӯйи Вазорати корҳои хориҷии Амрико нашр шуда, қочоқи инсонро дар кишварҳо ва сатҳҳои мухталиф мавриди баррасӣ қарор додааст.

Бар асоси гузориш, ҷалб ва ба кор гирифтани кӯдакон ба ҳайси сарбоз, инчунин, сӯиистифодаи ҷинсӣ бо унвони “бачабозӣ” дар миёни аъзо ва ҷангҷӯёни гурӯҳи Толибон идома дорад.

Дар ин гузориш омадааст, ки ҳарчанд “бачабозӣ” расман манъ аст, ин амал ҳамоно идома дорад ва нозирон гузориш додаанд, ки аъзои Толибон дар баъзе мавридҳо ба бачабозӣ даст задаанд.

Дар бахше аз гузориш гуфта шудааст: “Толибон сарбозони кӯдакро дар нақшҳои ҷангӣ ва пуштибонӣ ба кор мегирифтанд ва истифода мекарданд. Нозирон қаблан гузориш дода буданд, ки аъзои маҳаллии Толибон бо сохтакорӣ дар синни сабтшуда дар кортҳои шиносоии худ, кӯдаконро ба кор мегирифтанд”.

Ин дар ҳолест, ки дар панҷ соли тасаллути дубораи Толибон бар Афғонистон, гузоришҳои зиёде дар бораи “бачабозӣ»-и аъзо ва ҷангҷӯёни ин гурӯҳ нашр шудаанд.

Бо вуҷуди ин, то кунун ҳеч узв ё ҷангҷӯйи гурӯҳи Толибон бо иттиҳоми даст задан ба “бачабозӣ” боздошт, муҳокима ва муҷозот нашудааст.

Dialog.tj