Ҷумҳурии Тоҷикистон тасмим гирифтааст, ки дар соли оянда фурӯши сурма ба бозори хориҷиро тақрибан ба 730 миллион доллар расонад. Ин ҳадаф ва барномаи бузург метавонад Тоҷикистонро ба яке аз бозигарони муҳимми бозори сурма табдил диҳад.

Тибқи дурнамои расмии истиқодӣ Тоҷикистон мақсад дорад соли 2027 тақрибан 15, 1 ҳазор тонна сурма содир кунад в аз он 737, 7 миллион доллар даромад ба даст орад. Ҳадафи даромад нисбат ба нақшаи соли 2026 тақрибан панҷ фоиз бештар мебошад.

Барои расидан ба ин ҳадафи бузург кишвар бояд истеҳсолу коркарди сурмаро ба таври назаррас афзоиш диҳад.

Бояд гуфт, ки сурма як маъдани маъмулии саноатӣ нест. Он дар истеҳсоли як қатор маҳсулоти саноатӣ, таҷҳизот ва технологияҳое истифода мешавад, ки барои иқтисоди муосир ва бахшҳои стратегӣ аҳамият доранд.

Дар ин замина афзоиши талабот ба сурма дар бозори ҷаҳонӣ барои Тоҷикистон имкони нав фароҳам кардааст.

Ҷумҳурии Тоҷикистон дорои захираҳои бузурги сурма аст. Фақат дар кони тиллову сурмаи Канчоч, беш аз 265 ҳазор тонна ва 50 тонна тилло мавҷуд аст.  Ҳоло ширкати «TALCO Gold» дар ин минтақа ба истеҳсоли сурма ва тилло машғул мебошад.

Яке аз шартҳои асосии иҷрои нақшаи истеҳсолӣ ба фаъолияти корхонаи нави металлургии сурмаи “TALCO Gold” дар ноҳияи Айнӣ вобаста аст.

Корхона моҳи июли соли 2026 ба истифода дода шуд ва иқтидори он то 5 ҳазор тонна коркард ва истеҳсоли сурма дар як сол мебошад. Барои фаъолияти он истифодаи технологияҳои муосир пешбинӣ шудааст.

Мақомоти тоҷик умед доранд, ки афзоиши иқтидорҳои истеҳсолӣ на фақат ҳаҷми содирот, балки коркарди дохилии ашёи хомро низ бештар мекунад.

Dialog.tj