РУС ТОҶ
24 Октябр 2026,
шанбе, 04:55, Душанбе
Диалог. Тоҷикистон ва ҷаҳон
РУС ТОҶ
Футбол
13.07.2026 09:55

ФИФА эҳтимоли зиёд шудани тимҳои Ҷоми ҷаҳонии 2030 ба 64 тимро баррасӣ мекунад

Ҷанни Инфантино, раиси Федератсияи байналмилалии футбол (ФИФА), гуфтааст, ки имкони афзоиши шумори тимҳои ширкаткунанда дар Ҷоми ҷаҳонии 2030 аз 48 ба 64 тим баррасӣ хоҳад шуд.

Инфантино рӯзи якшанбе, 12-уми июл, дар гуфтугӯ бо расонаи “Блювин” гуфтааст, ки ин мавзуъ пас аз поёни Ҷоми ҷаҳонии 2026 дар кумитаҳои марбут баррасӣ ва дар бораи он тасмимгирӣ хоҳад шуд.

Ӯ афзудааст, ки Ҷоми ҷаҳонӣ бояд барои ҳамаи кишварҳои ҷаҳон бошад, на танҳо Аврупо ва Амрикои Ҷанубӣ ва ҳар кишвар бояд фурсати ҳузур дар ин рақобатҳоро дошта бошад.

Раиси ФИФА гуфтааст, ки сатҳи футбол дар кишварҳои гуногуни ҷаҳон дар ҳоли афзоиш аст ва агар ба кишварҳои хурдтар фурсати ҳузур дар Ҷоми ҷаҳонӣ дода нашавад, ангезаи онҳо барои пешрафт коҳиш хоҳад ёфт.

Ҷоми ҷаҳонӣ то соли 2022 бо ҳузури 32 тим баргузор мешуд, аммо рақобатҳои соли 2026 нахустин давраест, ки бо ҳузури 48 тим баргузор мешавад.

Инфантино зиёд шудани шумори тимҳо дар Ҷоми ҷаҳонии 2026-ро “муваффақияти бузург” хонда ва гуфтааст, ки тимҳое аз ҳамаи қораҳо дар ин рақобатҳо бозии хубе доштаанд.

Қарор аст Ҷоми ҷаҳонии 2030 дар чанд кишвар ва қора баргузор шавад.

Се дидори нахусти ин рақобатҳо дар Уругвай, Аргентина ва Парагвай баргузор хоҳад шуд ва идомаи бозиҳо дар Марокаш, Португалия ва Испания мизбонӣ мешавад.

Dialog.tj

Хатти хабарҳо

Афғонистон
23.10.2026 14:15

Толибон бе Тоҷикистону Чин роҳи Долони Вахонро боз карданд. Чин гуфт, роҳ баста мемонад

Чанд рӯз қабл масъулони гурӯҳи террористии Толибон бидуни ҳузури Чин роҳи Долони Вахонро, ки Афғонистонро бо Чин мепайвандад, ифтитоҳ намуданд. Чин фавран изҳорот дод, ки роҳ ба таври якҷониба аз сӯйи масъулони Толибон ифтитоҳ шуда, баста боқӣ мемонад ва ҳеч гуна равобити транзитӣ дар ин минтақа сурат нахоҳад гирифт.
Муноқишаи Русия ва Украина
23.10.2026 13:55

Путин: “Шикасти Русия дар ҷанг ғайриимкон аст”

Владимир Путин, раиси ҷумҳури Русия изҳор дошт, ки шикасти ин кишвар дар майдони ҷанг ғайриимкон буда, идеяи расонидани шикасти стратегӣ ба Маскав воқеӣ нест. Ӯ ҳамчунин, гуфт, ки Русия нияти ҷанг бо Аврупоро надорад.
Чин
23.10.2026 13:45

Заминларза бо қувваи 7 бал дар Тибет: 16 нафар ба ҳалокат расида ва 65 тани дигар захмӣ шуданд

Дар пайи заминларза бо қувваи 7 бал дар минтақаи Сисзан (Тибет)-и Чин, ки шоми панҷшанбе рух дод, дастикам 16 нафар ба ҳалокат расида, 65 тани дигар захмӣ шудаанд. Си Ҷинпин, роҳбари давлати Чин дастур додааст, ки амалиёти наҷот бо тамоми нерӯ анҷом дода шавад.
Тандурустӣ
23.10.2026 11:00

Байни Тоҷикистону Узбекистон Ёддошти тафоҳуми ҳамкорӣ дар соҳаи ҳифзи иҷтимоӣ ба имзо расид

Дар доираи саммити ҷаҳонии “Сармоягузорӣ ба некӯаҳволии кӯдакон: роҳ ба сӯи рушди устувор ва одилона барои наслҳои оянда”, ки дар шаҳри Самарқанд доир гашт, вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдулллозода бо директори Агентии миллии ҳифзи иҷтимоии назди Президенти Ҷумҳурии Узбекистон Оллоёров Мансурбек вохурӣ намуд.
Матолиби ҷолиб дар ВАО
23.10.2026 09:07

Зеленский: “Сӯзишвории Русия наметавонад ба коҳиши назарраси нархҳо дар Амрико мусоидат кунад”

Раиси ҷумҳури Украина мегӯяд, ҳаҷми сӯзишвории дизелие, ки Русия тибқи созиши ахир бо Вашингтон таъмин мекунад, барои таъсир гузоштан ба нархҳо дар бозори Амрико кофӣ нест. Ӯ ҳамчунин, Доналд Трампро даъват кардааст, ки барои ба мизи музокирот овардани Владимир Путин аз фишори бештар истифода кунад.
Аврупо ва Америка
23.10.2026 08:59

Вэнс: “Фиристодаи вижаи Иёлоти Муттаҳида гуфтугӯҳо бо Русия ва Украинаро аз сар гирифт”

Ҷей Ди Вэнс, муовини раиси ҷумҳури Амрико, мегӯяд, ки Стив Уиткофф, фиристодаи вижаи ин кишвар, дар рӯзҳои ахир гуфтугӯ бо мақомоти Русия ва Украинаро аз сар гирифтааст.
Дунёи адабиёт
23.10.2026 08:49

Дар Тоҷикистон 1050-солагии Робиаи Балхиро таҷлил карданд

Ба муносибати 1050-солагии яке аз аввалин занони шоир дар адабиёти тоҷику форс Робиаи Балхӣ рӯзи 21-уми октябр дар Китобхонаи миллии Тоҷикистон таҳти унвони “Робиаи Балхӣ - нахустин нидои ишқ” ҳамоиши илмиву адабӣ баргузор гардид.
Гуфтори мустақим
22.10.2026 14:26

Ҳорун Самарқандӣ: “Ояндаи тоҷикони Афғонистон ба ташаккули стратегияи мустақили сиёсӣ вобаста аст

Ҳорун Самарқандӣ дар рустои Самарқанди вилояти Бағлони Афғонистон таваллуд шудааст. Дар даври ҳукумати устод Раббонӣ ба ҳайси донишҷӯ дар Донишгоҳи Кобул дарс хондааст. Дарсҳояш ба итмом нарасида, муқовимат бар зидди гурӯҳи террористии Толибон оғоз мешавад ва ӯ дар дафтари Аҳмадшоҳи Масъуд муддате кор мекунад. Баъди омадани ҳукумати ҷадид ба раҳбарии Ҳомид Карзай дарсҳояшро дар Донишгоҳи тиббии Кобул идома дода, ин донишгоҳро хатм мекунад. Дар ин давра дар созмонҳои байналмилалии тандурустӣ кор кардааст. Дар соли 2015 ӯ ба ҳайси масъули бахши тандурустӣ ва равонии вилояти Бағлон кор кардааст. Қабл аз фурӯпошии ҳукумати Ашраф Ғанӣ аз Кобул хориҷ шуд ва ҳоло дар Миср кору зиндагӣ мекунад. Ӯ як фаъоли ҷомеаи шаҳрвандӣ аст, ки дар шабакаҳои иҷтимоӣ аз ҳақи тоҷикон, забони форсӣ ва ҳамгироии мардуми форсизабон дифоъ мекунад.
Эрон
22.10.2026 11:16

Ироқчӣ ба Амрико бори дигар ҳушдор дод

Сайид Аббос Ироқчӣ, вазири корҳои хориҷии Ҷумҳурии Исломии Эрон дар паёми нави худ гуфт, Теҳрон омода аст бори дигар ба дипломатия имконият диҳад. Ӯ таъкид кард, ин ба он вобаста мебошад, ки Амрико барои эҷоди эътимод ва расидан ба роҳи ҳалли одилона омодагӣ нишон диҳад.