Дар фурудгоҳи Душанбе терминали нави байналмилалӣ сохта мешавад
Як зина боло. Мавқеи тими миллии Тоҷикистон дар раддабандии ФИФА беҳтар гардид
Яман аз сарнагун кардани паҳподи туркии Арабистони Саудӣ хабар дод
Ҷабҳаи озодии Афғонистон аз ҳамлаи мушакӣ бар Толибон дар Кописо хабар дод
07.07.2026 15:36
Корҳои муайянсозӣ ва муҷаҳҳазгардонии сарҳади Тоҷикистон бо Қирғизистон ба анҷом расид
Хадамоти матбуоти раиси вилояти Суғд хабар дод, ки корҳои муайянсозӣ ва муҷаҳҳазгардонии сарҳади давлатии Ҷумҳурии Тоҷикистон бо Ҷумҳурии Қирғизистон пурра ба анҷом расид.
Манбаъ навиштааст, ки ба муносибати анҷоми корҳои муайянсозӣ ва муҷаҳҳазгардонии сарҳади давлатӣ дар ноҳияи Ҷаббор Расулов бо иштироки раиси вилояти Суғд Раҷаб Аҳмадзода, фармондеҳи Қӯшунҳои сарҳадии Кумитаи давлатии амнияти миллии Ҷумҳурии Тоҷикистон генерал-лейтенант Муродалӣ Раҷабзода, намояндагони Вазорати мудофиаи Ҷумҳурии Тоҷикистон ва дигар шахсони масъулу сокинони касбу кори гуногун чорабинии тантанавӣ баргузор гардид.
Афзуда мешавад, ки байни Ҷумҳурии Тоҷикистон ва Ҷумҳурии Қирғизистон хатти сарҳади давлатӣ пурра муайян гардида, дар ноҳияҳои ҳамсарҳади вилояти Суғд беш аз 300 километр сарҳад бо насби аломатҳои сарҳадӣ ва дигар инфрасохтори зарурӣ мутобиқ ба талаботи байналмилалӣ муҷаҳҳаз гардонида шуд.
“Маҳз бо ташаббуси Пешвои миллат муҳтарам Эмомалӣ Раҳмон муайянсозии пурраи сарҳади давлатӣ пас аз имзои Эъломияи Хуҷанд, ки бо иштироки роҳбарони се давлати дӯсту бародар Тоҷикистон, Қирғизистон ва Ӯзбекистон, ки моҳи марти соли 2025 дар шаҳри Хуҷанд ба имзо расид, муаммои садсолаи сарҳад дар минтақа ҳал гардид ва ба дӯстии абадӣ миёни Ҷумҳурии Тоҷикистон ва Ҷумҳурии Қирғизистон заминаи мусоид фароҳам овард”, - зикр мегардад дар иттилоия.
Dialog.TJ
Хатти хабарҳо
10.10.2026 13:15
Украина аз тавофуқи Трамп бо Русия барои содироти дизел шадидан интиқод кард
Раиси ҷумҳур ва вазири корҳои хориҷии Украина аз тавофуқи Доналд Трамп бо Маскав барои интиқоли дизели Русия ба бозорҳои ҷаҳонӣ шадидан интиқод карда, коҳиши таҳримҳо алайҳи Русияро мухолифи талошҳо барои расидан ба сулҳ донистанд.
10.10.2026 13:07
Душанбе аз таҳкими муносибатҳои дӯстона бо Теҳрон хабар дод
Душанбе ва Теҳрон барои густариши муносибатҳои дӯстона ва ҳамкориҳои ҳамаҷониба миёни ду кишвар таъкид карданд. Дар ин бора сомонаи расмии Президенти Ҷумҳурии Тоҷикистон пас аз мулоқоти Пешвои миллат муҳтарам Эмомалӣ Раҳмон бо ҳамтои эронии худ Масъуд Пизишкиён хабар дод.
10.10.2026 12:56
“Ал-Ҷазира”: Буҳрони сӯзишворӣ дар Русия Душанберо ба домани Теҳрон тела медиҳад?
Ҳамлаи низомии Украина ба полоишгоҳҳои нафтии Русия боиси ба вуҷуд омадани буҳрони содироти сӯзишворӣ дар аксари кишварҳои Осиёи Марказӣ шуд. Шабакаи телевизионии “Ал-Ҷазира” дар як матлаби таҳлилӣ буҳрони сӯзишвории Русия дар Тоҷикистонро мавриди арзёбӣ қарор дода, ба ин натиҷа мерасад, ки Душанбе барои кам кардани таъсири буҳрон рӯ ба ҷониби Эрон овард.
10.10.2026 11:03
Ҷавонони Тоҷикистон аз Бозиҳои 20-уми Делфӣ 16 медал ба даст оварданд
Дар пойтахти кишвар шаҳри Душанбе аз 5-ум то 9-уми октябр Бозиҳои 20-уми Делфии ҷавонони кишварҳои аъзои Иттиҳоди Давлатҳои Мустақил доир гардид.
10.10.2026 09:02
Дар фурудгоҳи Душанбе терминали нави байналмилалӣ сохта мешавад
9-уми октябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҳамроҳи раиси шаҳри Душанбе Рустами Эмомалӣ дар фурудгоҳи Душанбе ба сохтмони бинои терминали нави байналмилалӣ санги асос гузоштанд.
09.10.2026 18:40
Намояндагони вижаи Трамп барои гуфтугӯ бо Путин ба зудӣ ба Маскав мераванд
Манобеи амрикоӣ гуфтаанд, ки Стив Уиткофф, намояндаи вижаи Амрико ва Ҷаред Кушнер, домоди раиси ҷумҳури ин кишвар, дар охири моҳи ҷорӣ ба Русия мераванд, то бо Владимир Путин, раиси ҷумҳури Русия, дар бораи расидан ба созиши оташбас дар ҷанги Украина музокира кунанд.
09.10.2026 18:33
Ҷоизаи сулҳи Нобел дар соли 2026 ба “Навӣ” Пиллэй, ҳуқуқшиноси маъруфи Африқои Ҷанубӣ дода шуд
Кумитаи ҷоизаи Нобели Норвегия Ҷоизаи сулҳи Нобел дар соли 2026-ро ба ифтихори талошҳои Навӣ Пиллэй, ҳуқуқшиноси маъруфи Африқои Ҷанубӣ, ки барои пешбурди сулҳ ва ҳуқуқи байналмилалӣ талошҳои зиёде кардааст, тақдим намуд.
09.10.2026 17:06
Шабакаи иҷтимоии бузургтарини Русия аз Иттиҳоди Аврупо ба додгоҳ шикоят бурд
Ширкати “ВКонтакте” (VK), ки соҳиби яке аз бузургтарин шабакаҳои иҷтимоӣ ва паёмрасонҳои Русия бо ҳамин ном аст, алайҳи Шурои Иттиҳоди Аврупо ба додгоҳ шикоят бурдааст. Ширкат таҳримҳои ҷоришударо ғайриқонунӣ ва беасос хонда, хостори лағви онҳо шудааст.
09.10.2026 16:56
Номзад ба Сенати Амрико: Исроил қонунҳои ҷанг ва ҳуқуқи байналмилалиро нақз кардааст
Ҷон Оссофф, сенатори демократи иёлати Ҷорҷия ва номзад ба интихоботи миёндавраии Сенати Амрико, мегӯяд, ки неруҳои Исроил дар Навори Ғазза қоидаҳои ҷанг ва ҳуқуқи байналмилалии башардӯстонаро нақз кардаанд. Ӯ хостори баррасии эҳтимоли наслкушӣ дар Ғазза аз ҷониби Додгоҳи байналмилалии ҷиноӣ шудааст.
09.10.2026 16:28
Пешвои миллат дар ҷаласаи Шурои сарони давлатҳои ИДМ суханронӣ карданд
Имрӯз, 9-уми октябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар ҷаласаи Шурои сарони давлатҳои ИДМ, ки дар минтақаи Авазаи Туркманистон баргузор шуд, иштирок ва суханронӣ намуданд.
09.10.2026 15:43
Гузориши Вазорати корҳои хориҷии Амрико дар бораи қочоқи инсон: “Бачабозӣ” дар миёни Толибон идома дорад
Гузориши нави Вазорати корҳои хориҷии Амрико дар бораи қочоқи инсон нишон медиҳад, ки “бачабозӣ” ё истифодаи ҷинсӣ аз кӯдакон дар миёни аъзо ва ҷангҷӯёни гурӯҳи террористии Толибон идома дорад.
09.10.2026 15:38
Гузориши Вазорати корҳои хориҷии Амрико дар бораи қочоқи инсон: Толибон кӯдаконро ба ҳайси сарбоз ҷалб мекунанд
Гузориши нави Вазорати корҳои хориҷии Амрико дар бораи қочоқи инсон нишон медиҳад, ки гурӯҳи террористии Толибон аз кӯдакон ба ҳайси сарбоз барои амалиётҳои ҷангӣ истифода мекунанд.