РУС ТОҶ
17 Октябр 2026,
шанбе, 15:13, Душанбе
Диалог. Тоҷикистон ва ҷаҳон
РУС ТОҶ
Русия
30.06.2026 08:34

Кремл: Мавқеи Русия дар бораи Украина тағйир накардааст

Дмитрий Песков, сухангӯи Кремл, гуфтааст, ки мавқеи Русия дар бораи ҷанги Украина тағйир накардааст ва ҳамчунон бар ҳамон усуле устувор аст, ки Владимир Путин, раиси ҷумҳури Русия, ду сол пеш эълом карда буд.

Песков рӯзи 29-уми июн, дар як нишасти хабарӣ гуфтааст, ки ин мавқеъ барои мақомҳои Украина ва музокиракунандагони амрикоӣ рӯшан аст ва ҳамчунон бидуни тағйир боқӣ мондааст.

Ӯ афзудааст, ки каналҳои мавҷуд барои гуфтугӯ дар бораи Украина бояд маҳрамона боқӣ бимонанд, то раванди музокирот ба гунаи муассир идома ёбад.

Сухангӯи Кремл ҳамчунин, эълом кардааст, ки Путин ва Александр Лукашенко, раиси ҷумҳури Беларус, дар як дидори ғайрирасмӣ дар бораи ҷанги Украина, ҳамкориҳои дуҷониба, амнияти минтақаӣ ва равобити иқтисодӣ гуфтугӯ кардаанд.

Ба гуфтаи Песков, Лукашенко дар ин дидор ҳеч паёме аз сӯи Владимир Зеленский, раиси ҷумҳури Украина, ба Путин мунтақил накардааст.

Ӯ ҳамчунин, муддаӣ шудааст, ки неруҳои Русия дар саросари хатти муқаддам ба пешравии худ идома медиҳанд ва ин раванд нишон медиҳад, ки Маскав дар масири дастёбӣ ба ҳадафҳои худ дар ҷанги Украина қарор дорад.

Ин изҳорот дар ҳоле матраҳ мешавад, ки талошҳои дипломатӣ барои поён додан ба ҷанги Украина идома дорад, аммо то кунун пешрафти чашмгире дар музокирот миёни ду тараф ҳосил нашудааст.

Dialog.tj

Хатти хабарҳо

Эрон
16.10.2026 18:22

Президенти Эрон: “Исроил ва Амрико экосистемаи минтақаро вайрон мекунанд”

Масъуд Пизишкиён, президенти Ҷумҳурии Исломии Эрон гуфт, ки Исроил ва Амрико бо ҷангҳои худ ба экосистемаҳои минтақа осеби ҷиддӣ мерасонанд. Ӯ аз ҷомеаи байналмилалӣ хост, ки барои арзёбии зарари экологӣ ва барқарор намудани минтақаҳои осебдида чораҳои муштарак андешанд.
Сиёсати хориҷӣ
16.10.2026 18:05

Эмомалӣ Раҳмон: “Дар Душанбе бо пуштибонии СММ дар соли 2027 конфронси байналмилалии сулҳ баргузор мешавад”

Пешвои миллат муҳтарам Эмомалӣ Раҳмон дар нишасти сарони кишварҳои узви Созмони ҳамкории Осиё (CICA) эълон намуданд, ки дар моҳи майи соли 2027 дар шаҳри Душанбе конфронси байналмилалӣ оид ба таҳкими сулҳ бо пуштибонии Созмони Милали Муттаҳид ва дигар шарикони байналмилалӣ баргузор хоҳад шуд.
Тоҷикистон - Русия
16.10.2026 17:58

Сергей Лавров: “Таҳдидҳои амниятӣ дар Афғонистон аз байн нарафтаанд. Маскав ба Тоҷикистон кумак мекунад”

Сергей Лавров, вазири корҳои хориҷии Русия гуфт, таҳдидҳои амниятӣ дар Афғонистон ҳанӯз аз байн нарафтаанд. Ӯ гуфт, Маскав ба Тоҷикистон барои таҳким додани амнияти марз бо Афғонистон кумак мекунад.
Матолиби ҷолиб дар ВАО
16.10.2026 16:45

Ҳамлаҳо ба майдонҳои ҳавоӣ ва муассисаҳои нафтӣ рахнаи амниятӣ дар Арабистони Саудиро ошкор сохт

Расонаи “Ройтерз” дар гузорише навишт, ҳамлаҳо ба фурудгоҳи Риёз ва муассисаҳои нафтӣ осебпазир будани Арабистони Саудӣ дар муқобили таҳдидҳои амниятии як кишвари ҳамсояро ошкор сохт.
Афғонистон
16.10.2026 12:06

11 нафар кушта шуданд. Толибон барои “тарёк” ҳамдигарро мекушанд

Ду гурӯҳ аз ҷангҷӯёни гурӯҳи террористии Толибон дар ноҳияи Баҳромчаи вилояти Ҳилманди Афғонистон барои маводи мухаддир ҷанг карданд, ки дар натиҷаи ин ҷанг 11 нафар кушта ва 4 нафари дигар захмӣ шудаанд.
Таҳлилҳо
16.10.2026 09:45

“Дом”-и ҳиҷоб бар зидди ҳукумати Илҳом Алиев миёни Туркия ва Озарбойҷон фосила андохт

Як гурӯҳи духтарони ҳиҷобпӯш дар Озарбойҷон бар зидди қоидаҳои ягонаи либоси мактабӣ, ки аз ҷониби ҳукумати Озарбойҷон қабул шуд, намоиши эътирозӣ доир карданд. Онҳо аз ҳукумати Озарбойҷон даъват карданд, ки қоидаҳои манъи таҳсил бо ҳиҷоб дар мактабҳо бекор карда шавад.
Матолиби ҷолиб дар ВАО
16.10.2026 09:07

Обама: “Исроил бояд бипазирад, ки фаластиниҳо сарзамини худро тарк нахоҳанд кард”

Барак Обама, раиси ҷумҳури пешини Иёлоти Муттаҳидаи Амрико, дар изҳороте бо таъкид бар ин ки ҳудуди ҳафт миллион фаластинӣ дар он минтақа зиндагӣ мекунанд ва аз он ҷо нахоҳанд рафт, гуфт, ки режими Исроил бояд ин воқеиятро бипазирад.