Як расонаи Исроил гузориш дод, ки пас аз ифшои ироаи маълумот ва иттилооти (хусусии) фаластиниҳо ба ниҳодҳои амниятии Исроил, ширкати Майкрософт мудирияти шуъбаи исроилии худро ба Фаронса интиқол дод.

Ба гузориши расонаи “Фаластин онлайн” ба нақл аз  рӯзномаи иқтисодии “Глобс”, чопи сарзаминҳои ишғолӣ, ширкати Майкрософт дар пайи анҷоми як таҳқиқи дохилӣ дар бораи эҳтимоли ироаи ҳамкорӣ ба ниҳодҳои амниятии Исроил, мудирияти шуъбаи худ дар Тел-Авивро ба сурати муваққат ба Фаронса интиқол додааст.

Бар асоси ин гузориш, таҳқиқоти дохилии ин ширкат бар эҳтимоли ҳамкорӣ ба дастгоҳҳои амниятии Исроил ва захирасозии маълумотҳо оид ба фаластиниҳо, нигарониҳои ҳуқуқӣ ва назоратиро дар даруни ширкат, ба вижа дар иртибот бо қонуни аврупоии ҳимоят аз маълумотҳо ва ҳарими хусусӣ эҷод кардааст.

“Глобс” ҳамчунин, эълом кард, ки Алон Ҳаимович, мудири шуъбаи Майкрософт дар Исроил, пас аз чаҳор соли фаъолият аз тарафи худ канор гузошта шуда ва шуморе аз масъулони бахши равобити давлатии ин ширкат низ онро тарк кардаанд.

Бар асоси ин гузориш, гурӯҳе аз мудирони ҷаҳонии Майкрософт дар ҳафтаҳои охир ба Исроил сафар кардаанд, то дар бораи моҳияти ҳамкориҳои ин ширкат бо ниҳодҳои амниятии режими Исроил баррасии дохилӣ анҷом диҳанд.

Ин рӯзнома афзуд, ки то замони таъйини мудири ҷадид, мудирияти шуъбаи Исроил ба таври муваққат ба Фаронса мунтақил шудааст.

Пештар низ хабаргузории “Ассошиэйтед Пресс” дар гузорише эълом карда буд, ки моделҳои ҳуши маснуии мутааллиқ ба Майкрософт ва OpenAI дар чорчӯби як барномаи низомии режими Исроил барои шиносоии ҳадафҳои ҳамла дар Ғазза мавриди истифода қарор гирифтаанд.

Фания Агровол, муҳандиси ихроҷшуда аз Майкрософт низ моҳи феврал  ин ширкатро ба ҳамкорӣ дар ончи “иқтисоди наслкушӣ” дар Ғазза хонда, муттаҳам карда буд.

Dialog.tj