РУС ТОҶ
18 Октябр 2026,
якшанбе, 23:47, Душанбе
Диалог. Тоҷикистон ва ҷаҳон
РУС ТОҶ
Матолиби ҷолиб дар ВАО
08.05.2026 18:55

Кремл: Путин омодаи гуфтугӯ бо Аврупо аст, аммо оғозгари тамос нахоҳад буд

Кремл эълом кардааст, ки Владимир Путин, раиси ҷумҳури Русия, омодаи гуфтугӯ бо тамоми тарафҳо, аз ҷумла Иттиҳоди Аврупо аст, аммо Маскав нахустин гомро барои оғози ин раванд барнахоҳад дошт.

Рейтерз рӯзи ҷумъа, 8-уми май гузориш додааст, ки Дмитрий Песков, сухангӯи Кремл, гуфта, ки Путин борҳо таъкид кардааст, Русия омодаи музокира аст, аммо пас аз қатъи равобит аз сӯи Аврупо дар соли 2022, ин Маскав нахоҳад буд, ки оғозгари тамосҳо бошад.

Бар асоси гузориш, Кремл афзудааст, ки азсаргирӣ ё идомаи гуфтугӯҳо бастагӣ ба омодагии кишварҳои аврупоӣ дорад.

Песков гуфта, ки Русия масъули қатъи комили равобит бо Иттиҳоди Аврупо набуда ва ин иқдом аз сӯи Брюссел ва бархе пойтахтҳои аврупоӣ оғоз шудааст.

Дар ҳамин ҳол, мақомоти аврупоӣ пештар гуфта буданд, ки Русия бояд дар ҷанги Украина шикаст бихӯрад ва Владимир Путинро муттаҳам ба ҷангталабӣ карданд: иттиҳомоте, ки Маскав онро рад кардааст.

Кремл таъкид кардааст, ки Путин борҳо эълом карда омодаи гуфтугӯ бо тарафҳои мухталиф аст, аммо ибтикори оғози тамосҳои ҷадид аз сӯи Аврупо бояд сурат гирад.

Dialog.tj

Хатти хабарҳо

Эрон
16.10.2026 18:22

Президенти Эрон: “Исроил ва Амрико экосистемаи минтақаро вайрон мекунанд”

Масъуд Пизишкиён, президенти Ҷумҳурии Исломии Эрон гуфт, ки Исроил ва Амрико бо ҷангҳои худ ба экосистемаҳои минтақа осеби ҷиддӣ мерасонанд. Ӯ аз ҷомеаи байналмилалӣ хост, ки барои арзёбии зарари экологӣ ва барқарор намудани минтақаҳои осебдида чораҳои муштарак андешанд.
Сиёсати хориҷӣ
16.10.2026 18:05

Эмомалӣ Раҳмон: “Дар Душанбе бо пуштибонии СММ дар соли 2027 конфронси байналмилалии сулҳ баргузор мешавад”

Пешвои миллат муҳтарам Эмомалӣ Раҳмон дар нишасти сарони кишварҳои узви Созмони ҳамкории Осиё (CICA) эълон намуданд, ки дар моҳи майи соли 2027 дар шаҳри Душанбе конфронси байналмилалӣ оид ба таҳкими сулҳ бо пуштибонии Созмони Милали Муттаҳид ва дигар шарикони байналмилалӣ баргузор хоҳад шуд.
Тоҷикистон - Русия
16.10.2026 17:58

Сергей Лавров: “Таҳдидҳои амниятӣ дар Афғонистон аз байн нарафтаанд. Маскав ба Тоҷикистон кумак мекунад”

Сергей Лавров, вазири корҳои хориҷии Русия гуфт, таҳдидҳои амниятӣ дар Афғонистон ҳанӯз аз байн нарафтаанд. Ӯ гуфт, Маскав ба Тоҷикистон барои таҳким додани амнияти марз бо Афғонистон кумак мекунад.
Матолиби ҷолиб дар ВАО
16.10.2026 16:45

Ҳамлаҳо ба майдонҳои ҳавоӣ ва муассисаҳои нафтӣ рахнаи амниятӣ дар Арабистони Саудиро ошкор сохт

Расонаи “Ройтерз” дар гузорише навишт, ҳамлаҳо ба фурудгоҳи Риёз ва муассисаҳои нафтӣ осебпазир будани Арабистони Саудӣ дар муқобили таҳдидҳои амниятии як кишвари ҳамсояро ошкор сохт.
Афғонистон
16.10.2026 12:06

11 нафар кушта шуданд. Толибон барои “тарёк” ҳамдигарро мекушанд

Ду гурӯҳ аз ҷангҷӯёни гурӯҳи террористии Толибон дар ноҳияи Баҳромчаи вилояти Ҳилманди Афғонистон барои маводи мухаддир ҷанг карданд, ки дар натиҷаи ин ҷанг 11 нафар кушта ва 4 нафари дигар захмӣ шудаанд.
Таҳлилҳо
16.10.2026 09:45

“Дом”-и ҳиҷоб бар зидди ҳукумати Илҳом Алиев миёни Туркия ва Озарбойҷон фосила андохт

Як гурӯҳи духтарони ҳиҷобпӯш дар Озарбойҷон бар зидди қоидаҳои ягонаи либоси мактабӣ, ки аз ҷониби ҳукумати Озарбойҷон қабул шуд, намоиши эътирозӣ доир карданд. Онҳо аз ҳукумати Озарбойҷон даъват карданд, ки қоидаҳои манъи таҳсил бо ҳиҷоб дар мактабҳо бекор карда шавад.
Матолиби ҷолиб дар ВАО
16.10.2026 09:07

Обама: “Исроил бояд бипазирад, ки фаластиниҳо сарзамини худро тарк нахоҳанд кард”

Барак Обама, раиси ҷумҳури пешини Иёлоти Муттаҳидаи Амрико, дар изҳороте бо таъкид бар ин ки ҳудуди ҳафт миллион фаластинӣ дар он минтақа зиндагӣ мекунанд ва аз он ҷо нахоҳанд рафт, гуфт, ки режими Исроил бояд ин воқеиятро бипазирад.