“Рейтерз” дар гузорише бо пардохтан ба чанд баробар боло рафтани қимати газойл (сӯзишвории дизелӣ) ба далели таҷовузи низомии Амрико ва Исроил ба Эрон, ба нақл аз коршиносон навиштааст, ки иқтисоди ҷаҳонӣ ба сабаби афзоиши нархи ин сӯзишвории ҳаётӣ дар маърази хатар қарор дорад.

“Рейтерз” хотирнишон мекунад, ки қимати газойил дар чанд соли гузашта ба далели ҳамлаҳои Украина ба полоишгоҳҳои Русия ва таҳримҳои кишварҳои ғарбӣ алайҳи содироти Маскав коҳиш ёфтааст. Акнун низ таҷовузи низомии Исроил ва Амрико ба Эрон нигарониҳоро дар бораи таъмини ин сӯзишворӣ бештар кардааст, зеро Тангаи Ҳурмуз маҳалли убури тақрибан аз 10 то 20 дарсади арзаи ҷаҳонии газойл мебошад.

Шахро Зухриддинов, бунёдгузори ширкати “Nitrol Trading”, ки дар Дубай мустақар аст, гуфт: “Газойл аз нигоҳи сохторӣ бештар аз ҳама аз ҷанги кунунӣ осеб мебинад. Газойл сӯзишвории асосии бахшҳои ҳамлу нақл, кишоварзӣ, маъдан ва фаъолиятҳои саноатӣ мебошад ва ҳамин вазъият онро ба ҳассостарин сӯзишворӣ дар бахши иқтисоди калон табдил додааст.

Филип Варлегер, иқтисоддони соҳаи энержӣ, тахмин зад, ки ихтилол дар таъмини газойл ба сабаби вазъияти ҷорӣ дар Тангаи Ҳурмуз метавонад тақрибан аз 3 то 4 миллион бушка дар як рӯз ё наздик ба аз 5 то 12 дарсад аз тамоми масрафи ҷаҳониро дар бар гирад.

Dialog.tj